DILI-Sekretariu Estadu Juventude Desportu (SEJD) halo despedida ho atleta Silat Perisai Diri nain hitu ne’ebe aban sei aranka ba kompete Perisai Diri Internasional Championship X iha Bali, Indonesia.
“Ohin Ita halo despedida ho atleta husi modalidade arte marsial Perisai Diri nain hitu ne’ebe sei ba kompete Perisai Diri Internasional Championship ba Dala X iha Bali ne’ebe sei partisipa husi nasaun sanulu resin ida husi kontinente Europa Ásia no América ne’ebe oportunidade diak no hatudu ba apikante arte marsial sira tanba modalidade ne’e desportivu ida bele partisipa eventu nasional no internasional “, SEJD Abrão Saldanha ba jornalista sira iha edifisiu SEJD segunda (27/06).
Sekretariu Estadu hatutan, orgulllu tebes husik hela atleta husi modalidade arte marsial Perisai Diri ba partisipa kampionatu internasional iha Bali maibe esperansa ba sira ohin rei bandeira RDTL signifika katak sira lori responsabilidade ema 1,3 Millaun nia imazen iha eventu ne’e no sai hanesan embaixador Timor-Leste nian ne’ebe tenki hatudu dixiplina para ema seluk koñese nasaun ne’e, manan no lakon normal no sira sei hatudu arte marsial mos bele lori Timor-Leste ba eventu internasional.
Governante Informa, governu aloka orsamentu ho montante 7,330 USD ba atleta husi modalidade arte marsial Perisai Diri nain hitu ho Ofisial no treinador nain tolu ba sira nia viazen no akomodasaun durante iha Bali, Indonesia no eventu ne’e sei partisipa husi nasaun kontinente Europa mak Inglaterra, Fransa, Olanda, Swiss, Jerman, husi kontinente Amerika mak Estadu Unidu Amerika no husi kontinente Azia mak Indonesia, Jepan, Australia, Brunei Darussalam ho uma nain Indonesia.
Iha fatin hanesan ofisial atleta Aires Inácio Marques hatete, sira halo preparasaun durante loron 27 nia laran ne’ebe sufisiente iha termu tekniku, forsa no fiziku sira prontu ona atu kompete iha kamapionatu internasional refere no tarjetu ba atleta sira mak minimu manan daruak iha klass sira ne’ebe determina ona ba atleta nain hitu ne’e hodi lori rezultadu diak ba Timor-Leste.
“Ami halo preparasaun durante loron 27 nia laran ne’ebe sufisiente iha termu tekniku, forsa no fiziku ita nia prontu ona atu kompete iha kamapionatu internasional refere no tarjetu ba ita nia atleta sira mak minimu manan daruak iha klass sira ne’ebe determina ona ba atleta nain hitu ne’e hodi lori rezultadu diak ba Timor-Leste“, dehan Aires
Iha sorin seluk atleta arte marsial Perisai Diri David N. Ximenes dehan, ida ne’e hanesan responsabilidade boot ba sira tanba sira reprezenta Timoroan 1,3 Millaun nia imazen ne’ebe sira iha esperansa boot halo buat diak iha eventu kampionatu internasional ne’e maski preparasaun ladun sufisiente tanba latuir standarte maibe sira iha motivasaun ne’ebé boot hodi kompete ho atleta sira husi nasaun seluk.
“Ida ne’e hanesan responsabilidade boot ba ami tanba ami reprezenta Timoroan 1,3 Millaun nia imazen ne’ebe ami iha esperansa boot halo buat diak iha eventu kampionatu internasional ne’ebe maski preparasaun ladun sufisiente tanba latuir standarte maibe ami iha motivasaun ne’ebé boot hodi kompete ho atleta sira husi nasaun seluk“, David hateten
Atleta nain hitu husi modalidade arte marsial Perisai Diri ne’ebe sei partisipa Perisai Diri Internasional Championship iha Bali, Indonesia mak David N. Ximenes joga iha klase G 71-75 kg, Zacarias da Costa joga iha klase E 66 -70 Kg, José da C. Pinto joga iha klase D 60-65 kg, Zeferino M da Silva joga iha klase C 56-60 kg, Joaquim B. Siqueira joga iha klase B 51-55 kg, Joaquim A. Gomes joga iha Klase 45-50 Kg no Alexandre Correia joga iha klase A Serang Hindar.
ADS
