Dili — Federsaun Xadres Timor-Leste, perpara ona atleta selesionadu na’in 3 hodi reprezenta Timor-Leste, iha Asean University Games (AUG), ne’e realiza iha Tailandia iha fulan Jullu tinan ne’e
Asean University Games, ba ba dala 20 nee sei Realiza iha sidade, Ubon Ratchathani Tailandia, no sei hahú iha loron 26 fulan Jullu to’o loron 8 fulan Agostu tinan ne’e.
“Dadaun ne’e ita nia atleta tun mane na’in 3 mak sei reprezenta Timor-Leste, iha Asian University Games” informa prezidente Federsaun Xadres Timor-Leste (FXTL), Zeferino Viegas Tilman ba Jornalista iha GDD, kuarta (29/06).
Husi atleta na’in 3 ne’e daudaun ne’e halo hela perparasaun intensivu hahú hosi fulan Marsu to’o agora sira sei hamutuk ho ekipa seluk sei aranka ba Tailandia iha loron 21 fulan Jullu tinan ne’e.
Kona-ba atleta feto ne’ebé mak la partispa iha Asian University Games ne’e, Nia Afirma, tuir loloos Atleta feto mós bele partisipa maibé tanba Asian University Games ne’e redus tun na’in 3 entaun Federsaun deside atleta mane na’in atu partispa hodi reprezentanta Timor Leste.
Iha fatin hanesan atleta FXTL, Pedro Lopes, haktuir, sira hahú perpara desde fulan Marsu liu ba tanba ne’e tuir nia perparasaun ne’e masimu ona hodi kompete iha Asian University Games
“Ho ami nia perparasaun ne’ebé masimu ha’u iha espresa boot tebes katak bainhira ami Partisipa iha Asean University Games iha Thailanda, Ita reza boot sei hetan rezultadu di’ak” nia hakotu
Tinan ne’e Timor-Leste sei partispa iha Asean University Games (AUG), ho Modalidade hamutuk 5, kompostu husi Modalidade, Xadres, Taikondow, Atletismu, Voli Praia, no Futebool, hodi reprezenta universidade hotu iha Timor Leste
Hosi Modalidade hirak ne’e sei finansia hosi governu liu husi Sekretariu Estadu Juventude no Desportu ho totál orsamentu hamautuk 80 Mill hodi partispa iha Asean Universidade Games iha Tailandia.
Enkuantu Modalidade Futebool, sei finansia hosi Federsaun Futebool Timor-Leste (FFTL).
CharllY Junior
