DILI-Komponente Naval husi F-FDTL realiza Copa Naval 2022 ne’ebe partisipa husi klube hamutuk 32 hodi komemora aniversáriu Komponente Naval nian ba da-20, ho oportunidade ba juventude sira hatudu talentu futebol no halo amizade atu evita problema kontribui ba estabilidade nasional.
Iha sexta Feira ne’e Komponente Naval halo abertura ba Copa Naval nu’udár meius komemorasaun ba loron Komponente Naval nian, ne’ebé hala’o dala tolu ona, ho hakarak atu fo opurtunidade ba joven sira atu bele mellora sira nia kapasidade jogu nomós nu’udár kondisaun ida atu evita problema hodi kontribui ba estabilidade nasional.
“Copa naval ne’e ita atu komemora aniversáriu komponente naval ba da-20 iha loron 12 fulan janeiru 2023 ne’ebe ho nia objetivu atu halo lasu amizade entre juventude sira hodi kontribui ba dezenvolvimentu area desportu, aumenta kapasidade juventude hodi dezenvolve abilidade tekniku sistema jogu iha futebol hodi ba kompetisaun nasional no internasional no mos evita problema kontribui ba estabilidade iha iha ita nia nasaun Timor-Leste “, tenik Raimundo
“juventude hotu-hotu mai atu hatudu sira nia talentu ne’ebe sira hakarak aproveita iha eventu ne’e hodi aumenta sira nia kapasidade tekniku hodi bele mellora ninia jogu iha futuru maibe importante liu mak koneksaun kria amizade hodi kunese malu aumenta relasaun fraternal, servisu hamutuk, besik malu liu tan hodi asegura ita nia rai liu-liu atu garante pás estabilidade iha ita nia rai, liu-liu iha fatin Hera ida ne’el”, reprezentante xefe estadu maior capitão mar e guerra General Higino das Neves komandante komponente naval iha nia diskursu ba jornalista sira iha Hera, Díli sesta (1/07).
Komandante ne’e relata, sira agradese ba suportador sira mak husi FFTL, Heineken Timor-Leste, Timor Telecom, Eto no Fakuldade Enjenaria siensia Teknolojia UNTL no lider komunitaria Hera ho nia juventude sira ne’ebe fuan boot ajuda hodi suporta komponente naval hodi realiza copa iha tinan ida ne’e.
Copa tinan ida ne’e partisipa husi ekipa hamutuk 32 ne’ebe mai husi juventude territóriu Timor-Leste tomak, hanesan : FC Naval A, FC Naval B, FC São Pedro Berebido, FC Naimeco, FC Kanko, FC Waisa, FC União, FC União Metinaro, FC União Venilale, FC Unbafo, FC Hatuleta, FC Nova Estrela, FC Makikit Foin Sae, FC Subo’Ai, FC Porlamano, FC Zale-Zale, FC Bala Badiu, FC 17 de Abril, FC Ostico, FC Amador, FC Nature, FC UPM, FC São Paulo, FC Kakatua, FC Mota Ulun, FC Academia Hera, FC Uatuli, FC Fota, FC SS Eoncar no FC Sukaer Laran.
ADS
