DILI – Sekretáriu Jerál Klubu Primeira Divizaun Liga Futebool Timorense (LFTL), Karketu Dili Fc, informa katak sira nia parte seidauk simu komvite ruma relasiona ho realizasaun Liga Timorense epoka 2022 ne’ebé sei realiza iha fulan agostu.
Antes ne’e Federsaun Futebool Timor-Leste (FFTL) ho Orgaun Liga Futebol Timor-Leste (LFTL) halo ona konkordansia no publika ona katak Liga Timorense ba epoka 2022-2023 sei realiza iha loron 18 fulan agostu tinan ne’e.
Maibé to’o agora parte klubu seidauk hetan komvite ruma hodi bele tur hamutuk ho FFTL no LFTL para bele decide lalaok liga ba epoka ida ne’e.
Sekretáriu Jerál klubu Karketu Dili Fc, Elizeu Isac, klubu seidauk simu komvitr hodi tur hamutuk ho (LFTL) no mós (FFTL) hodi decide liga nia lalaok.
“FFTL no LFTL deside katak iha loron 18 fulan agostu ita nia Liga Timorense epoka ne’e atu estabelese fali ona, maibé to’o data agora ami seidauk hetan konvite ruma husi FFTL no LFTL atu halo reuniaun hodi deside oinsa ba liga ne’ebé atu hala’o iha tinan ne’e. maibé ami prontu nafatin hodi partisipa iha liga tinan ne’e“, Informa Elizeu Isac ba jornalista sira iha edifisiu FTTL Bairo Formosa, Díli segunda (4/07).
Nia mós husu ba orgaun rua LFTL ho FFTL atu halo enkotru ida tanba buat barak maka tenki hadia ka haree hamutuk no buat balun ne’ebe tetu, atu nune’e Liga Timorense epoka ne’e lao furak liu tan tanba sensitivu liu atu koalia klaru iha reuniaun mak finanseiru suportasaun ba klube sira no orariu serteza husi FFTL ho LFTL.
Nia dehan, kompetisaun sei kompetetivu liu tan se bainhira FFTL ho LFTL tur hamutuk ho nune’e klubu sira bele hahú halo kontratu jogador sira no halo preparasaun molok sira kompete iha LFTL. Tanba Liga Timorense adia tan, klube lakon orsamentu hodi selu jogador sira, maski orariu seidauk serteza maibe sira iha ona komunikasaun ho jogador nasional no internasional atu reforsa ekipa.
Tuir Nia, liga husi 2015 to’o 2021 rekomenda hela ba FFTL ho LFTL tenki servisu hamutuk rai egoismu no kakorok boot ne’e, tanba orgaun rua, ne’e fo ona konfiansa no garante katak jogador sira nia kampu traballu mak ida ne’e, tan ne’e halo orariu jogu tenki rutina kada tinan labele para fali tan ne’e prejudika jogador sira isin bokur tama fali jogu iha inisiu Jogu la furak ne’ebé husu ba FFTL no LFTL halo liga furak para garante jogador foin sa’e sira nia futuru no ajuda klube sira hetan sponsor diak sira.
ADS
