DILI– Prezidente Federsaun Desportu Akadamiku Timor-Leste (FDA-TL), Jefriano Tilman Viegas, sente triste tanba Federasaun Futebool Timor-Leste (FFTL), fó Promesa falsu ikus mai kansela Modalidade Futebool hodi la Partisipa iha eventu Asian University Games (AUG) iha Tailandia.
Prezidente FDA-TL haktuir, Antes ne’e sira hala’o hasorumutu ida ho adjuntu sekretariu jeral FFTL Francisco Martins, no SEJD Abrao Saldanha iha edifisiu SEJD ne’ebé iha enkontru ne’e adjuntu federasaun hatete sira prontu sosa billete aviaun ba jogador sira, maibé ikus mai FFTL la sosa billete ne’ebé mak sira promete ona atu sosa.
“Ami sai implementador de’it ba atividade ne’e ikus ami hetan informasaun fali federasaun la konsege sosa billete aviaun entaun triste tebes ita tenki kansela modalidade futebol hodi la partisipa iha eventu AUG tinan ne’e tanba ita nia delegasaun aban sei aranka ba Tailandia“, prezidente FDA-TL Zeferino Tilman Viegas ba jornalista sira iha edifisiu FDA-TL kinta (21/07).
Nia sublina, sira tenki husik hela modalidade futebol tanba la iha orsamentu ne’ebé sufisiente husi governu hodi responde ba sira nia viajen, maibe futebol tenki kansela hodi responsabiliza promesa ne’e tanba FFTL la iha kondisaun finanseiru atu lori atleta futebolista husi universidade sira ba kompete iha AUG.
Nia Informa, relasiona ho FFTL ne’ebé mak la apoiu Modalidade Futebool ba Asian University Games ne’e ba modalidade futebol ne’e Timor-Leste sei simu sansaun hodi la tuir eventu tuir mai tanba tuir ona faze dahuluk hatama numeru atleta ba komisaun organizadora AUG katak modalidade futebol tama hotu maibé hetan failansu iha faze daruak hatama naran ba komisaun ne’e iha loron tolu ikus atu aranka sira foin hetan naran atleta lolos nain-12 no modalidade futebol kansela tanba la iha orsamentu.
Ho kanselamentu ba viajen Modalidade Futebool nian ne’e obriga tenke reduz atleta to’o de’it nain-12 husi modalidade atletizmu, taekwondo, voleibol praia no xadres.
Entretantu delegasaun Timor-Leste atleta nain-12 husi modalidade atletizmu taekwondo voleibol praia no xadres sei aranka partisipa AUG 2022 ne’ebé realiza iha Tailandia.
ADS
