DILI– Atleta Selesionadu na’in 9 hosi Federasaun Xadrez Timor-Leste (FXTL) sei aranka ba cidade Chennai Índia hodi kompete iha eventu internasional Word Championsip
Atleta Selesionadu na’in 9 ne’e kompostu hosi Mane na’in 5 no feto 4 ohin halo ona despedida ho Governu liu husi Sekretariu Estadu Juventude no Desportu (SEJD) Abrao Saldanha, no tuir planu atleta hirak ne’e sei desloka ba Índia iha segunda Semana oin.
“Segunda-feira kontijente Timor-Leste lori atleta na’in 9 husi modalidade Xadrez ba kompete iha word championship iha India“, informa Sekretáriu Estadu Juventude no Desportu (SEJD) Abrao Saldanha ba Jornalista iha aredores SEJD, Kinta (21/07/2022).
SEJD Abrao hateten, maski Timor-Leste hasoru difikuldades oin-oin maibé TL mos konsege kompete iha jogu rejional no internasional.
Governante ne’e afirma, orsamentu ba modalidade Xadrez ne’e mai husi Federasaun International no sponsor balun ne’ebe modalidade Xadrez presiza.
SEJD Abrao haktuir tan, antes ne’e Governu TL apoiu maibé ne’e apoiu atu realiza Kampionatu Nasionál hodi selesiona atleta sira.
Entretantu prezidente Federasaun Xadresz Timor Leste (FXTL), Zeferino Veigas Tilman, hatutan, orsamentu ba modalidade Xadrez nian mai husi Federasaun Xadrez International ba nesesidade iha kompetisaun ne’e.
“Ami esforsu makaas buka sponsor hanesan osan ba bolsa ninian no nesesidade sira seluk“, tenik nia.
Nia informa, sei fahe ba ekipa rua kompostu husi mane na’in liman no feto na’in haat total hamutuk na’in 9. Sira sei joga durante loron 11 iha Chennai Índia.
Eventu refere sei partisipa hosi nasaun hamutuk 180 inklui Timor-Leste, tanba ne’e Zeferino hateten, atleta sira tenke esforsu makaas maski lahetan medalla, maibé tenke hatudu prestasaun di’ak.
Caet
