DILI– Primeiru Ministru, Taur Matan Ruak, enkoraja atleta Paralimpiku sira atu esforsu hodi kompete ho nasaun sira seluk iha eventu Sea Para Games ba dala XI, ne’ebé mak sei hala’o iha Solo Indonézia iha loron 30 Jullu to’o loron 6 fulan Agostu tinan ne’e.
Xefe governu hato’o lia hirak ne’e liu hosi nia diskursu iha seremonia despedida Atleta Paralimpiku iha Palacio Governu Dili, kinta (21/07).
“Ita husu ba atleta sira esforsu makaas hodi bele kompete ho atleta sira seluk hodi hatudu katak Timor mós bele no bele lori Timor nia naran iha eventu internasional sira“, dehan Primeiru Ministru Taur Matan Ruak liu husi nia diskursu hodi enkoraja atleta sira iha Palasiu Governu, Kinta (21/07/2022).
PM Taur afirma, maski Timor-Leste menus rekursu maibé tenke esforsu hodi kontribui ba nasaun ida ne’e liuhosi sira nia prestasaun.
Iha fatin hanesan Sekretáriu Estadu Juventude no Desportu (SEJD), Abrao Saldanha, hateten, Timor-Leste ukun aan tinan 20 ona, entaun atleta sira tenki konsiente hodi kompete buka medalla la’os tempu atu partisipa de’it.
Abrao hatutan, iha modalidade tolu mak hanesan, modalidade para-atletizmu, para-teniz da meza no para-halterofelizmu ka poweriifting ho atleta na’in 15, Federasaun atletizmu na’in 6, poweriifting na’in 4, teniz da meza na’in 5 inklui ofisial na’in 6.
“Ho orgullu boot, ha’u hakarak informa mos katak husi sira na’in 6 ne’e, ita ina atleta ida, Teofilo Freitas, ne’ebe mak ninia record Asia nian iha halai taru seidauk iha mak fera. ita hein katak nia rasik sei bele fera ninia record“, katak SEJD Abrao.
Atleta sira ne’e govemu ho Komite hamutuk ho federasaun sira tau iha training centre duranta fulan tolu ona, hahu husi loron 7 fulan Maiu to’o sira arangka ba Solo Indonesia.
SEJD Abrao afirma, Governu aloka orsamentu ba traning center ho total 38.410.00 USD, enkuantu gastus hamutuk dollar Amerikanu 65.679.50 USD.
Abrao informa, atleta sira ne’ebe reprezenta kontijente Timor Leste iha eventu Asian Para Games iha Solo Indonesia. Atleta sira ne’e selesionadu hahu iha funan Dezembru tinan 2020.
Caet
