DILI- Governu Liu hosi Sekretáriu Estadu Juventude no Desportu (SEJD) Orgullu tanba kontijente Timor-Leste (TL) haruka atleta na’in 15 ba kompete iha jogu ASEAN University Games (AUG) iha Thailandia tinan ne’e.
“Orgullu ida mai ita Timor-Leste maski nasaun ne’ebe kiik hasoru dezafiu oin-oin maibé ita konsege haruka kontijente kompete iha jogu nivel Rejional no internasional“, dehan nia ba Jornalista iha SEJD, Kinta (21/07/2022).
Abrao Informa, kontijente TL haruka atleta Na’in 12 inklui ofisial na’in 8 total hamutuk 20 ba Thailandia. Kompostu husi modalidade tolu mak hanesan, Taekwondo, Atletizmu no Vollybol prai.
Governante ne’e haktuir tan, atleta sira ne’e sei aranka iha loron sesta-feira (22/07/2022) ba Thailandia hodi kompete iha eventu refere.
SEJD Abrao, orgullu tebes kontijente Timor-Leste ba partisipa hodi kompete iha ASEAN Uversity Games (AUG) hala’o iha Thailandia ba tinan ne’e.
Governante ne’e afirma ba atleta sira tenke kompete ho dignu nune’e reprezenta nasaun Timor-Leste iha mundu internasional.
Iha fatin hanesan prezidente Federasaun Desportu Akademika Timor-Leste (FDA-TL) Zeferino Veigas Tilman hateten, objetivu husi kompetisaun ne’e atu hasa’e renking nasaun nian liu hosi jogu ida ne’e.
“Ita mos fo biban ba atleta sira nune’e sira bele hetan reating bele kandidatu ba master hamorin Timor-Leste“, tenik nia.
Caet
