DILI- Prezidente Federasaun Taekwondo Timor-Leste (FTTL), Gabriel da Costa, informa, tempu badak sira sei realiza kompionatu Nasionál hodi prepara atleta sira ba eventu Sea Games tinan 2023 iha Cambodia.
“Ami halo Kampionatu Nasionál ne’e hodi tais fali atleta sira ne’ebe hetan preimeiru lugar nune’e bele hamutuk ho ekipa Nasionál treinu durante fulan rua, depois halo selesaun fila fali hodi prepara sira ba Sea Games tinan 2023 iha Cambodia“, informa nia ba Jornalista iha jinaziu Dili, Kuarta (20/07/2022).
Nia afirma, kampeonatu Nasional ne’e sei Realiza iha loron 23 fulan ne’e, tanba ne’e sira fahe ona konvite ba dojan sira hodi asesu, maibé federasaun komunika liu hosi media sosial kada dojan sira ne’ebé eziste iha munisípiu 12 inklui Rejiaun Administrativu Espesial Oe-cusse Ambenu (RAEOA).
Gabriel hateten, dojan ne’ebe partisia iha Kampionatu Nasionál ne’e husi munisípiu haat mak hanesan, Lautem, Likisa, Manatutu no Dili. Atleta feto sei joga iha Ander 46, 49 no 53, mane iha Ander 54, 56 no ander 63.
Kampeonatu Nasional ba tinan ne’e apoiu hosi Sekretáriu Estadu Juventude no Desportu (SEJD) ho totál orsamentu hamutuk Dolar Amerikanu 10.000 mill USD.
Prezidente FTTL hatutan, relasiona ho atleta nasional ne’ebe durante partisipa iha eventu internasional bele ba fali sira nia dojan nune’e partisipa iha eventu refere.
Gabriel dehan, husi eventu ne’e atleta na’in tolu sei la partisipa tanba sira tuir eventu Asian University Games iha Thailandia, sira sei arranka iha loron 22 fulan Jullu tinan ne’e.
Gabriel informa, husi avaliasaun atu hatene atleta sira nia mentalidade durante prestasaun iha eventu Sea Games nune’e bele prepara didi’ak ba eventu sira tuir mai.
“Ami sei halo avalisaun ba atleta sira liuliu ba materia ne’ebe sira hetan husi treinador durante treinamentu“, katak nia.
Caet
