DILI– Orgaun Liga Futebool Timor-Leste (LFTL), no Federsaun Futebool Timor-Leste (FFTL), sei kontinua hein karta ofisiál hosi Governu liu husi Sekretariu Estadu Juventude no Desportu (SEJD), hodi halo enkotru triparte.
Antes ne’e iha loron sabadu (16/07), Sekretariu Estadu Joventude no Desportu (SEJD) Abrao Saldanha anunsia ona atu haruka karta ida ba orgaun LFTL no FFTL, iha loron segunda ou tersa semana ne’e hodi halo enkotru triparte hodi ko’alia realizasaun Liga Timorense epoka 2022-2023, maibé ohin to’o ona loron kuarta maibé parte LFTL no FFTL seidauk simu karta ruma husi SEJD
“Ligadu ho karta ofisiál ne’ebé pronunsia hosi SEJD, too agora ita kontinua hein nafatin, para atu fó oportunidade Liga ho Federsaun para hola desizaun ba klubu sira iha tinan ne’e ita kontinua hein nafatin to’o agora ita seidauk simu” informa, Diretor Administrasaun no Protokolu, Janio Tilman, ba Jornalista sira iha Estadion Munisipal Dili, kuarta (20/07).
Tuir nia, Parte Liga nu’udar orgaun implementador nafatin hein SEJD no FFTL tanba parte rua ne’e mais importante hodi fó apoiu ba implementasaun Liga ba epoka 2022-2023 LFTL Kontinua hein.
Entretantu kona-ba realizasaun Liga Timorense epoka 2022-2023 ne’e LFTL ho FFTL iha ona konkordansia ba malu hodi realiza iha loron 18 fulan agusto tinan ne’e
CharllY
