Dili– Governu liu hosi Sekretariu Estadu Juventude no Desportu (SEJD), ho Federasaun Futebool Timor-Leste (FFTL), hahú establese ona sentru Futebool Academia iha Munisípiu 4.
Munisípiu sira ne’ebé mak governu ho Federasaun Futebool Timor-Leste, hahú establese Sentru Futebool Academia ne’e mak Covalima, Viqueque, Manufahi no Aileu.
Razaun sira establese uluk ba Munisipiu 4 ne’e tanba iha munisípiu sira seluk Futebool Juvenil iha hela, tanba ne’e sira bele reforsa lai Futebool Juvenil ba futuru mak transfere ba akademia.
“Governu SEJD propoin ona orsamentu ba Federasaun atu establese sentru Futebool Academia Futebool Juvenil ne’e hahú iha Munisípiu 4 agora nia termu referensia kompleta ona hahú ona rekrutamentu ba Treinador sira” dehan Sekretariu Estadu Juventude no Desportu (SEJD) Abrao Saldanha, kinta (21/07).
Abrao informa, parte governu nian loos ona transfere ona orsamentu ba Federsaun hein de’it ona rekruta ema Treinador sira ba atu establese akademia sira ba iha Munisípiu.
Orsamentu ba estbelsimentu akademia Futebool ne’e governu preve 51 Mill ba uluk establese nia sekretariadu hodi rekruta Treinador para hahú ona treina ona joven sira.
Governante ne’e afirma, sira sei establese ekipa juri hosi Federsaun SEJD ho autoridade lokál atu halo rekrutamentu ida ne’e no establese sira nia sekretariadu no harii sekretariadu ida entre Federsaun ho Governu atu avalia programa ida ne’e atu avalia sira nia dezenvolvimentu akademia nian.
CharllY Junior
