DILI– Vicente Carvailho da Silva, re-eleitu nu’udar prezidente Federasaun Halterofelismu Kultura Peso Timor Leste (FAHKUPTIL), ba periodu 2022-2026 ho votus unamidade hafoin avansa hanesan kandidatu uniku.
Federasaun Halterofelismu Kultura Peso Timor Leste (FAHKUPTIL), ohin sabadu loron (23/07) realiza kongresu extra oridinariu ba daruak hodi hili estrutura foun ba periodu 2022-2026.
Iha kongresu ne’e Vicente Carvailho da Silva, nafatin hetan fiar hodi lídera nafatin lídera Federdaun Halterofelismu Kultura Peso Timor Leste (FAHKUPTIL) ho votus unamidade hosi Asosiasaun 13.
Hafoin re-eleitu sai prezidente Federdaun Halterofelismu Kultura Peso Timor Leste (FAHKUPTIL), iha nia diskursu Vicente Carvalho da Silva, hatete, maske responsabilidade ne’e todan maibé tenke simu tanba iha responsabilidade balu ne’ebé mak tenke hala’o.
“Tanba saida mak ha’u mós sente katak responsabilidade boot ne’e ha’u persija tenke simu tanba iha buat balu mak persija la’o hela iha dalan persija nafatin atu halo servisu kontinuasaun, ha’u asina hela akordu ida ho ha’u nia atleta ida agora tenke ba tinan rua ho balu iha Taliadia ne’e responsabilidade boot tanba ne’e mak persija hala’o nafatin” dehan Vicente Carvailho da Silva iha edifisiu CONTL.
Ha’u haree katak ita nia organizasaun ne’e la’o kapás hela iha office buat hotu la’o hotu ne’e mak persija koperasaun di’ak ha’u fiar katak ita tenke halo prosedimentu tuir estatutu hakerek ita tenke halo anual reporte
Entretantu iha kongresu extra oridinariu Federdaun Halterofelismu Kultura Peso Timor Leste (FAHKUPTIL), Partisipa hosi asosiasaun sira iha Munisípiu 13.
Tuir observsaun jornalista Joventude Hadomi Desportu iha terenu nota katak, kongresu ne’ebé mak hala’o kuaze besik oras rua ne’e, la iha reprezentante ruma hosi governu liu liu Sekretáriu Estadu Joventude no Desportu (SEJD) no mós Konfederasaun Desportu Timor-Leste (CDTL) ne’ebé mak nu’udar mahon ba Federsaun hotu iha Timor Leste.
CharllY Junior
