DILI- Klube Futeból salaun (futsal), Coelho Fc perparadu no prontu ona atu kompete iha torneiu Futsal “Taça FALINTIL futsal 2022”
“Preparasaun la’o ho di’ak, jogadór sira treinu full desde Dezembro 2021 ho intensaun atu prepara ba Liga iha 2022, mas como Liga seidauk la’o ami kontinua preparasaun nafatin“, dehan vise prezidente Coelho Fc, Levi Guterres ba JHD via WhatsApp, Tersa (02/08/2022).
Vise prezident ne’e esplika, maski Liga Futsal Timor Leste epoka tinan ne’e seidauk la’o, maibé Coelho nafatin treinu hamutuk ho jogadór hodi hametin amizade.
Guterres sublina, daudaun ne’e iha jogadór hamutuk na’in 15 mak prepara hodi kompete iha Taca FALINTIL Futsal tinan ne’e.
“Ami nia capitão clubu Frangenio “Memo” sei rehab nia ain tur, prosesu kleur maibé nia sei target gabung ho squad iha tempu badak“, tenik nia.

Vise prezidente ne’e garantia klubu sei hatudu prestasaun di’ak, ne’e hanesan koko jogadór foun sira nia mental iha situasaun jogu.
Guterres hatutan, Coelho sei hetan resultadu di’ak iha Taça FALINTIL ne’e maibé haree ba prosesu jogu ne’e, tanba klubu barak mos treinu full hodi kompete iha jogu refere.
Entretantu technical meeting no dada sorteu ba jogu ne’e sei hala’o iha loron 03 Fulan Agusto 2022, fatin Quartel General, Fatu-hada. Tuir planu jogu ne’e sei hahu iha semana oin
Enkauntu eventu refere sei harame hosi klubu hamautuk 32 mak hanesan Nomad FC, Muacau FC, C. Terrestre-Baucau, Tharacerun FC, São Francisco FC, Ua-Kesa FC, DCP-TL, IOB FC, Jocris FC, B’tal FC, MACLN FC, Ramelau FC, Ramelau legend, Babaken FC, FC J-ORST, Mauputar FC, MOP FC, Lafaek FC, BAS FC, Quarter General, AS Jerman FC, Saralima FC, AD Samoro FC, QB-Central FC, Coelho FC, JLR Lereloho FC, BTR One FC, Boa Sorte FC, Andeco FC, FC Mota Bandeira, Malkamer FC no AD Estrela Baquia FC.
Caet