DILI— Atleta Nasionál hosi modalidade atletizmu Teofilo Freitas, hatudu ona rekord fantástiku hafoin konkista Medaila osan mean 3 iha Asean Para Games (APG) ba edisaun 11 ne’ebé mak realiza iha Solo-Indonezia tinan ne’e.
Teofilo Freitas nu’udar atleta hosi Modalidade Atletizmu, no orijen hosi munisípiu Baukau ne’ebe konkista medalla osan mean 3, liu hosi korrida 1500 metru, korrida 800 ho korrida 400 metro.
Eventu ne’e hahú iha loron 30 fulan Jullu to’o ohin loron 4 fulan Agostu tinan ne’e, kontijente Timor-Leste konkista ona medalla 12 kompostu husi medalla osan mean lima osan mutin rua no osan metan lima.
Hosi modalidade atletizmu konkista ona medalla hamutuk lima kompostu hosi medalla osan mean tolu no osan mutin rua.
Timor-Leste partisipa iha eventu Asian Para Games ba edisaun 11 ne’e ho modalidade hamutuk tolu ho nia atleta hamutuk na’in 15.
Medalla osan mean 3 ne’e konkista hosi atleta Teofilo Freitas enkuantu medalla osan mutun 2 ne’e konkista hosi atleta Domingos no atleta feto Domingas.
Enkuantu hosi modalidade power liftieng konsege konkista medalla osan metan ida hosi atleta, José Antonio Aniceto Cerano, ne’ebe kompete husi klase 59 to’o 65 .
Aleinde ne’e hosi modalide Tenis da meza konkista ona medalla hamutuk 5 kompostu husi osan mean ida osan mutin rua no osan metan rua
Ba Juventude Hadomi Desportu (JHD), Xefe de Misaun, Jonzino da Conceição Fernandes, hatete, kontijente Timor-Leste posibilidade sei aumenta tan medalla, tanba sei iha jogu balun husi modalidade atletizmu no mós modalidade tenis da meza.
“Ha’u sente kontente no agradese ba ha’u nia atleta sira no mós ba povu Timor ho Governu SEJD, ne’ebé mak durante ne’e apoiu komité para limpiku”, dehan Xefe Misaun Jonzino da Conceição ba JHD via telefon, Kinta, (04/08/2022).
Caet
