Dili – Kompanha telekomunikasaun Timor Telecom sai patrosinador prinsipál ba Taça FALINTIL Futsal 2022
“Dadaun ne’e Timor Telecom apoiu rekarga pulsa Timor Telecom ho $2000 pois ami sei fó matérial marsidajen Timor Telecom nian para Komisaun Organizadora oinsá bele anima, manán na’in bele hetan netik prémiu hosi Timor Telecom” dehan responsavel ba patrosinador Timor Telekom, Grinaldo Pereira Visente ba JHD iha Timor Plaza, Dili, kinta, (04/08).
Nia afirma, Timor Telecom Sente kontente tanba nu’udar operador telekomunikasaun bele sai patrosinador prinsipál ba eventu refere.
Nia dehan, espera eventu ne’e bele la’o ho susesu no ba oin Timor Telekom sei apoiu nafatin ba atividade sira hanesan ne’e.
Entretantu Taça FALINTIL Cup 2022 ne’e organiza hosi Média Online Joventude Hadomi Desportu (JHD), ho objetivu atu komemora loron FALINTIL ba dala 47 ne’ebé mak sei monu iha loron 20 fulan Agostu tinan ne’e.
Taça FALINTIL Futsal 2022 ne’e partispa hosi klubu Futsal hamutuk 32 no fahe ba pool 8 hosi pool A to’o pool H no kada pool ida kompostu hosi klubu 4.
Taça FALINTIL Futsal 2022 ne’e sei abertura iha loron 09 fulan Agostu tinan ne’e, no jogu abertura sei loke hosi ekipa Uma na’in Kuartel Geral kontra Estrela Baguia Fc.
Caet
