DILI– Governo liu hosi Sekretariu Estadu Juventude no Desportu (SEJD) Abrao Saldanha, sei bolu Prezidenti FFTL, Francisco Jerónimo, hodi diskute realizasaun Liga Timorense epoka 2022 -2023 nian.
Antes ne’e, Prezidente FFTL Fransisco Jerónimo fo sai ona katak liga futebol Timor-Leste epoka tinan ida ne’e sei la’o iha loron 18 Fulan Agusto 2022, ne’ebé mak nu’udar kalendariu hosi FIFA.
Ho núne’e iha kuarta loron 21 fulan Jullu 2022, governu liu hosi Sekretariu Estadu Joventude no Desportu (SEJD) manda ona karta ba orgaun Liga Futebool Timor-Leste (LFTL) no FFTL para hala’o enkontru Two Parte hodi organiza jogu epoka tinan ne’e iha Fulan Agusto nia laran, no LFTL pronto ona no perparadu ona 95 % hodi realiza Liga maibé FFTL sei nonok hela.
Relasiona ho FFTL ne’ebé mak sei kontinua taka ibun ne’e Sekretariu Estadu Juventude no Desportu (SEJD), Abrao Saldanha, sei bolu Prezidenti Federsaun Futeból Timor Leste (FFTL), Francisco Jerónimo, iha semana ne’e nia laran hodi diskute kona-ba realizasaun Liga epoka ne’e.
“Semana ida ne’e ha’u sei bolu Prezidenti FFTL atu diskute situasaun liga futebol Timor-Leste iha nesesidade ka lae hodi organiza“, hateten Abrao ba Jornalista resintu SEJD, Segunda (08/08/2022).
Abrao afirma, uluk sei Liga Amadora ne’e Governu esklusivu, maibé agora muda ba semi Profesional FFTL mak na’in, agora Governu sai hanesan partrosinador.
Ho tranzisaun ida ne’e FFTL iha diretu atu organiza hein katak intendementu ne’e sei kontinua tanba karta ne’ebe SEJD manda ona karta ba Prezidente FFTL ho Prezidente LFTL hodi lori liga ne’e ba oin no Governu apoiu nafatin.
“Ha’u sei bolu prezidenti FFTL hodi husu tanba saida mak liga seidauk hahu no defikuldade saida mak governu perzisa hare tanba klube iha hela jogador iha hela no osan mos iha hela”, SEJD Abrao Saldanha dehan.
Caet
