DILI- Relasiona ho problema entre joven sira ne’ebe foin lalais ataka malu iha nasaun Inglatera, ne’e Komisaun Reguladora Arte Marsiais (KRAM), konsidera la’os arte marsiais maibé ne’e individu tanba la uza atribuitu arte marsiais.
“Komisaun Reguladora Arte Marsiais konsidera aktus violensia ne’e la’ós organizasaun arte marsial, maibé individu ida-idak mak iha intensaun hodi hamosu problema ne’e.“
Kestaun ne’e hato’o husi Prezidente KRAM, Octavio da Conceição ba Jornalista iha edifisiu KRAM, Largo Lecidere, Segunda, (01/08/2022).
Prezidente KRAM dehan, prinsipiu teritoriais, lei ne’ebé aplikavel iha nasaun ida ne’ebá ninia lei ne’e mak validu ba atitude saida mak sidadaun sira halo tantu sidadaun orijinal no mos estranjeriu, lei ne’ebé berlaku iha rai ida ne’e.
Entaun signfika katak lei penal inglatera berlaku ba asaun brutalismu ne’ebé sira halo.
Tuir Octavio katak, KRAM nia definisaun arte marsiais kuandu sira uza atributu iha fatin treinamentu mak ataka malu ne’e mak dehan violensia ne’ebé involve arte marsiais sira.
“Ita hotu presija hatene violensia publiku responsablidade individual la’os organizasaun, ne’ebe problema privadu ida idak ba hatan ninian, ha’u ko’alia iha fatin barak ona problema privadu ida-idak ba hatan ninian, problema organizasaun entaun bolu organizasaun ba hatan”, Prezidente KRAM Octavio da Conceição dehan.
Maibé Komisaun Reguladora Arte Marsiais, kontinua buka informasaun ba problema ne’e.
“Ha’u hanoin tempu badak tinan oin mai karik, ami sei iha ne’e ami sei buka meius mos bele to’o inglatera para atu sosializa segunda diretiva KRAM iha ne’eba”, nia hakotu.
Caet
