Dili– Provizoriamente kontijente Timor-Leste susesu konkista ona medaila osan mean rua (2) iha Eventu Asean Para Games ba edisaun 11, iha Solo jawa tengah Indonézia.
To’o ohin loron (02/08/2022) Timor-Leste susesu rekolla ona Medaila osan mean iha Asean Para Games edisaun 11 ne’ebé mak Realiza iha Solo jawa tengah Indonézia.
Medaila Osan Mean 2 ne’e ida Konkista hosi atleta, Pasquela Pereira ho Abelita Borges, hosi Modalidade Tennis da Meza no Medaila osan mean ida seluk konkista hosi atleta Teofilo Freitas.
Atleta, Pasquela Pereira ho Abelita Borges, hosi Modalidade Tennis da Meza, konkista Medaila refere kompete iha kalse 6-7 double feto.
Enkuantu atleta Teofilo Freitas hosi Modalidade Atletizmu konkista Medaila osan mean ne’e liu hosi korida metro 1500.
Hosi Rezultadu ne’e provizoriamente Timor Leste konkista ona medaila osan mean 2 no okupa iha pozisaun da 7 hosi nasaun hamutuk 11.
Enteretantu tinan ne’e Timor-Leste partispa iha Asean Para Games 2022 ne’e ho Modalidade 3 ho nia atleta hamutuk 15.
Eventu Asean Para Games ne’e rasik hahú ona iha loron 30 fulan Jullu no sei termina iha loron no sei termina iha loron 06 fulan Agostu tinan ne’e.
CharllY Junior
