DILI- Atleta husi Komite Nasional Paralimpico Timor-Leste (CPNTL) konsege lori fila medalla hamutuk 12 mai Timor-Leste, iha eventu rejionál Asean Para Games edisaun 11 mak hala’o iha Solo Indonézia. nune’e Vise Primeiru Parlamentu Nasional, Maria Angela Sarmento, husu ba VIII Governu konstituisional presiza hadi’a kondisaun baziku asensibilidade ba Ema ho Defisiente (EhD) ne’ebe hatudu ona prestasaun iha mundu desportivu.
Atletas kontijente Para limpico Timor Leste ohin loron (08/08), fila hikas ona mai Timor-Leste ho Aviaun Citilink atleta sira ne’e to’o iha Airaportu Internsional Nicolau Lobato iha tuku 12 : 35 OTL.
Atleta sira ne’e fila ho medaila hamautuk 12 ne’ebé mak kompostu hosi medaila osan mean 5 no osan mutin 4 no osan metan 3.
Osan mean 5 ne’e konkista hosi atleta Teofilo Freitas hosi Modalidade Atletizmu 3 no osan mean 2 seluk konkista hosi atleta feto Pascoela dos Santos Pereira no Abelita Borges hosi Modalidade Tennis Meza.
Enkuantu osan mutin 4 ne’e konkista hosi atleta, Domingos Pereira Lobato, hosi Modalidade ateltismu 2 no Domingas da Costa hosi Modalidade Atletizmu, 1 no tan hosi atleta Pascuela dos Santos Pereira .
Núne’e mós Osan Metan 3 ne’e konkista hosi atleta, Bernardo de Carvailho, ho Pascoela dos Santos Pereira, hosi Modalidade Tennis Meza, ne’ebé mak kompete iha klase ganda campuran, no Abelita Borges hosi Modalidade Tennis Meza no mós ida seluk konkista hosi atleta, António J. A. Serrao hosi Modalidade foti Besi.
Ho prestasaun ne’e Ministeru Edukasaun Joventuda no Desportu (MEJD), Armindo Maia, ho Sekretáriu Estadu Joventude no Desportu (SEJD), Abrao Saldanha, no Primeiru Vise Parlamentu Nasionál, Maria Angela Sarmento hein kedas iha Airaportu Internsional Nicolau Lobato hodi simu atleta sira.
Hafoin simu tiha atelta sira iha Airaportu Internsional Nicolau Lobato, vise Parlamentu Nasionál, Maria Angela Sarmento, informa, primeira vez kontijente Timor-Leste hatudu prestasaun topu tebes, tanba atleta Paralimpiku konsege hetan medalla 12, prestasaun ne’e hanesan motivasaun ida husi ema ho defisiensia iha volar iha estadu ida ne’e.
“Ita retifika ona konvensaun internasinal diretu ema ho difisiente nian ona, ami iha parlamentu nasional sei husu ba Governu kria kondisaun baziku ba asesibilidade, ezemplu ohin tama iha Aeroportu atendimentu ladun di’ak“, hateten Maria Angela Sarmento ba Jornalista iha sala VIP Aeroportu Nicolau Lobato, Segunda, (08/08/2022).
Vise primeiru parlamentu nasional ne’e hatutan, kona-ba Governu presiza tau orsamentu, Maibé Sekretáriu Estadu Juventude no Desportu tenke aprezenta planu konkretu hodi motiva atleta sira bele hatudu prestasaun di’ak iha mundu desportivu.
“Ba ha’u ne’e importante liu mak ida ne’ebe hatudu prestasaun di’ak iha diretu atu hetan rekursu ho orsamentu, ida ne’ebe laiha prestasaun presiza redus nia orsamentu, tanba prestasaun di’ak la’os lori Ministeriu nia naran maibé Timor-Leste nia naran”, tenik nia.
Iha nasaun seluk atleta ne’ebe hatudu prestasaun di’ak estadu kria kondisaun di’ak ba atleta sira hodi halo trenamentu maibe Timor-Leste seidauk kria kondisaun di’ak ba atleta sira.
“Maibe ha’u hanoin bele, tanba ita foin hetan prestasaun di’ak iha nivel rejional, uluk ita halo maibe nia kontidade lahanesan ho agora, agora ita bele dehan kuantidade barak liu”, katak Maria Angela Sarmento.
Iha fatin hanesan Sekretariu Estadu Juventu no Desportu (SEJD), Abrao Saldanha, hateten, tinaan ne’e SEJD sofre problema ba orsamentu, maibé la abandona programa klasifikasaun sei kontinua la’o nafatin.
“Se ami konsege iha entendimentu di’ak ho eskola sira baze sei Forte, maibé ita hein katak bele iha entendimentu para nune’e bele hahu prosesu klasifikasaun bele hahu husi baze”, SEJD Abrio Saldanha dehan.
Entretantu Asean Para Games edisaun 11 ne’e Timor Leste partisipa ho modalidade 3 ho nia atleta hamutuk 15 mak hanesan Atletismu na’in 6, Tennis Meza na’in 5, no hiit Besi nian 4.
Caet
