Dili — Klubu Primeira Divizaun Liga Futsal Timor-Leste, As Jerman, obrigado tenke fila ho liman mamuk alias fila ho pontus (0), hafoin sofre tan derota ho score 5-4 iha jogu ikus Taca FALINTIL Futsal 2022, ne’ebé mak hala’o iha kampu Futsal FFDTL fatuhada Dili segunda (23/08).
As Jerman nu’udar ekipa jigante ida hosi Primeira Divizaun Liga Futsal Timor-Leste, maibé iha Taca FALINTIL Futsal 2022 ne’e ekipa As Jerman tenke fila ho pontus (0) hafoin sofre tan derota ba dala tolu nian iha jogu kontinuasaun Taca FALINTIL pool (F).
As Jerman iha pool (F) hamutuk ho ekipa Malkamer Fc, Fc J-ORSF, no Andeco Fc
Iha jogu dahuluk ekipa As Jerman derota ho ekipa Malkamer Fc ho score 4-2, no iha jogu segundu As Jerman sofre derota tan ho Fc J-ORSF ho score 2-0, no iha jogu ikus liu sira sofre tan derota ho score 4-3.
Hosi rezultadu derota dala tolu ne’ebé obriga sira tenke elimina hosi eventu Taca FALINTIL Futsal 2022 ne’ebé mak organiza hosi Joventude Hadomi Desportu (JHD).
Iha jogu kontra Andeco iha inisiu jogu ekipa As Jerman ne’ebé mak nu’udar klubu Primeira Divizaun tun ho ritmu jogu ne’ebé aas maibé sira tenke sofre uluk golu ida hafaoin jogador, Aurito fura rede As Jerman iha minutu 4, hodi hatuur score ba 1-0.
Hela ho score 1-0 la hamate espiritu kompetetivu As Jerman hodi hatudu sira nia jogu bonitu ikus mai sira konsge maraka golu responde hodi hatuur score 1-1, iha minutu 11.
Andeco Fc, lídera hikas hafoin jogador Pedro produs golu rua tuir malu iha minutu 14 no 15 hodi hatuur score ba 3-1.
Maibé ekipa As Jerman mós konsege produs golu ida hodi hamihis score ba 3-2 liu hosi jogador, Jacinto iha minutu 15, ho score refere mantein to’o termina jogu Primeira parte.
Kontinua ba jogu segunda parte As Jerman konsege produs tan golu ida hodi halo empata score ba 3-3, liu hosi jogador Jacinto.
Maibé ekipa Andeco lídera hikas ho score 4-3 hafoin jogador Azen, marka golu ida iha minutu 29.
Andeco haboot liu tan score ba 5-3 hafaoin jogador Eloi marka tan golu ida iha minutu 30.
Iha minutu 39 ekipa As Jerman konsege hamihis score ba 4-5 liu hosi jogador Bertnard.
Ho score 4-5 ne’e mantein to’o termina jogu segunda parte parte vitória ba Andeco Fc.
Hosi rezultadu vitoria ne’e lori ekipa Andeco Fc hakat ba 16 besar Taca FALINTIL Futsal 2022 ho pontus 6 hosi jogu dala 3 manán dala rua no derota dala ida.
Caet
