DILI – Official ekipa QB Central, Ojorio Manuel Fernandes, informa, sira garante sei manán nia ekipa adversariu Saralima Fc, iha jogu 8 finais Taca FALINTIL Futsal 2022.
Taca FALINTIL Futsal 2022 hahú tama ona ba faze 8 finais iha ne’ebé ekipa QB Central sei hasoru nia ekipa adversariu Saralima Fc, iha aban loron (24/08).
Iha jogu 8 fianis refere ekipa QB Central ne’ebé mak mai ho estatutu nu’udar runer-up hosi pool (C) hafoin rekolla de’it pontus 5 hosi joga dala 3 manán rua no derota ida.
Enkuantu ekipa Saralima Fc, ne’ebé mak nu’udar ekipa jigante ida tanba hakat ba 8 finais refere ho estatutu nu’udar Kampeaun grupu (D), ho pontus 9 hosi joga dala 3 manán hotu.
Maske núne’e iha intervista ho Official ekipa QB Central, Ojorio Manuel Fernandes, Jogu aban ne’e QB Central optimista katak sei manán jogu refere.
“Jogu aban ne’e ami QB Central optimista katak ami sei manán jogu ne’e ami bele manán ho 4-2 ou 4-3 labele manán dook tanba ekipa rua ne’e boot hotu, ami optimista manán bola ida ou rua ne’e ami nia tarjetu” dehan ofisiál klubu QB Central ba JHD iha kampu Futsal FFDTL fatuhada Dili tersa (23/08).
“Ami pronto para aban atu kompete ho Saralima Fc, ne’e jogu determinante, tanba ne’e hosi QB Central, ami prontu ona atu kompete jogu aban ne’e ” nia haktuir.
Nia mós fó sai ekipa Saralima Fc nia frakeza iha jogu ikus kontra Fc Coelho katak sira joga de’it ho jogador na’in 4
“Sira nia jogu ikus kontra Coelho ami mós asiste, sira mai ho jogador maun alin estrela na’in 4 ne’ebé la troka to’o jogu remata tan ne’e ami mós iha ona estratéjia oinsá atu bele hasoru sira na’in 4 ne’e“
Frekuente jogu ida aban ne’e, sira mós la brani para atu troka jogador tan ne’e sira sei mai ho estrajia ida para hasae ritmu jogu para bele fó oportunidade konkista vitoria
“Saralima la’ós ekipa ida ami foin atu hasoru malu ba dala uluk maibé Pra Liga ami hasoru malu ona i ami mós frekuente sira iha Pra Liga tan ne’e ami iha esperansa tebes bele hakur sira jogu aban ne’e” nia afirma.
Iha parte seluk Treinador Saralima Fc, Janurio Ximenes, hatete, sira la garante atu konkista vitoria maibé buat hotu 40 minutu mak sei deside.
“Ami la garante dehan manan maibe buat hotu depende Sorti no oinsa bele deside iha 40 menit nia laran” Treinador Saralima Fc, Janurio Ximenes.
“Ami mos sei iha mudansa ba Jogu tamba foin lalais jogador diak balun labele marka prezensa tuir jogus ikus ne no balun labele marka tempu ba treinu hamutuk nunee ami mantein ho jogador nbe prepradu liu maibe ba aban sei la hanesan jogus ikus” nia haktuir.
SARALIMA Fc nafatin prepara an ba jogus kontra QB ba loron Aban nian. Equipa rua jogu diak hotu no agora daudaun sidauk bele deside equipa ida mak superior liu no garante manan maibe buat hotu sei deside iha jogus laran no iha 40 minutus, i se mak sorti diak nia mak sei Manan jogus nee.
CharllY Junior
