Dili — Institutu Superior Cristal (ICS) realiza atividade desportu hodi festeza loron FALINTIL ba dala 47 no loron konsulta populár ba dala 23 no mós aniversariu Institutu Superior Cristal nian ba dala 21.
Atividade Desportu ne’e ho Modalidade hamutuk rua kompostu hosi Modalidade futsal no mós Voleibol.
Vise Reitor Institutu Superior Cristal (ISC), Jacinto Oliveira Junior, haktuir, Iha jogu Futsal partispa hosi klubu hamautuk 17 ne’ebé klubu sira mai hosi estudante sira iha ICS no mós dosente sira, aleinde ne’e mós iha tan klubu hamautuk 20 mai hosi Modalidade Voleibol.
“Atividade ohin Institutu Superior Cristal realiza hodi festeza ba iha loron falentil ba 47, ba iha 30 agustu ne’ebé mak selebra konsulta populár 23 anos nian no mós Institutu Superior Cristal nia aniversariu ne’ebé mak Realiza iha dia 05 Novembru ba 21 anos nia ezistensia” dehan Vise Reitor ISC, Jacinto Oliveira Junior ba Jornalista iha kampu Futsal ISC, Mascarinas Dili, Tersa (23/08).
Nia Afirma, atividade refere realiza hodi promove talentu estudante sira, tanba ne’e mak eventu refere involve hosi estudante sira hosi fakuldade hotu hanesan fakuldade Edukasaun no mós fakuldade saúde.
“17 klubu ba Modalidade futsal nian no mós ba Modalidade Voleibol kuaze 20 mós hanesan” Tenik nia.
Nia explika, atividade refere sei hala’o durante fulan rua nia laran no sei atividade refere sei hala’o semana ida dala rua.
“Atividade ne’e ami Realiza tinan tinan rezistu ba iha estudante sira ba Dili laran nian no iha mós ami loke ba komunidade sira ba tinan ne’e ami loke foka liu ba institutu Superior Cristal ba fakuldade rua ne’ebé ami iha”
Fundus ba atividade refere mai hosi Institutu Superior ho totál orsamentu hamautuk 3184 dólar Amerikanu, no mós hosi ISC rasik porvolta 3000 ital.
Nia dehan, premiu ba manán na’in mak hanesan Trofeu ba Primeiru segundu no terseiru lugar ne’ebe mak komisaun organizadora perpara ona, no mós subsidiu ne’ebé mai hosi MESSK.
Jogu refere abertura hosi klubu Futsal entre Fc Oksijenio kontra RJP.
Partisipa iha seremonia abertura ba Kopa Institutu Superior Cristal (ICS) ne’e mak reprezentante MESSK, Xefe Suku Maskarinas, No mós estrutura hosi ISC tomak no estudante sira hotu.
DVO
