spot_imgspot_imgspot_imgspot_img
spot_imgspot_imgspot_imgspot_img
More

    FFTL-LFTL Foti Aan Hanesan “Santu” Klubu no Jogador Terus

    Dili — Relasiona ho Liga Timorense ba epoka 2022-2023 ne’ebé mak to’o agora seidauk realiza ne’e Federsaun Futeból Timor Leste (FFTL) ho orgaun Liga Futeból Timor Leste (LFTL), hahú dun bá malu hodi atu bele hasantu an iha problema refere hodi haterus klubu no jogador sira.

    Antes ne’e iha loron 24 fulan Agostu tinan 2022 ne’e, Sekretariu jerál Federsaun Futeból Timor Leste, Gregorio Correia, deklara, iha loron 12 fulan Agostu FFTL envia karta ida ba LFTL hodi tuur hamutuk atu diskute kona-ba realizasaun Liga Timorense ba epoka 2022 – 2023,  maibé parte LFTL la fó resposta.

    Hatan ba Kestaun ne’e Diretor finansas LFTL,  Caetano Cárceres Correia, hatete, LFTL seidauk responde karta husi FFTL ne’ebé manda iha loron 12 fulan agostu tanba bazeia ba karta hato’o husi SEJD katak husu ba parte rua atu tuur hamutuk diskute programa epoka 2022 no  karta ida husi FFTL mai LFTL atu bele tuur hamutuk hodi bele organiza enkontru triparte  entre orgaun LFTL, FFTL no klube sira maibe la serteza foin mak karta ne’e sai bainhira prezidente FFTL fo anunsiu ona kalendariu jogu iha publiku.

    Ami nafatin nakloke ba FFTL prontu  atu tuur hamutuk ida ne’e mak ami nia hakarak liga futebol Timor-Leste epoka 2022 ami ho FFTL tenki tuur  hodi koalia no serteza hamutuk hafoin ami hala’o liga tinan ne’e tanba ne’e mak ami nia hakarak hahu husi janeiru to’o agora” diretor finansa LFTL Caetano Cárceres Correia ba jornalista sira iha nia knaar fatin, Merkadu Lama, Dili kinta (25/08).

    Nia informa, iha loron 23 fulan junu 2022 halo enkontru ho parte FFTL hodi koalia kona ba preparasaun jogu epoka 2022 iha salaun enkontru FFTL ne’ebe sira konklui katak presiza atu hala’o tan kalendariu jogu nian iha loron 23 fulan Junu 2022 hein resposta husi FFTL maibe seidauk iha resposta serteza ida husi FFTL no iha enkontru ne’e mos liga husu no aprezenta  ba FFTL atu halo ASH ida para atu nune’e liga epoka 2022 lao diak ho resposabilidade.

    Antes ne’e mós orgaun LFTL no mós FFTL iha ona konkordansia ida hodi realiza Liga Timorense ba epoka 2022 – 2023, sei realiza iha loron 18 fulan agusto, tanba ne’e nu’udar kalendariu hosi FIFA.

    Maibé to’o agora promesa ne’e hela de’it promesa tanba parte rua komesa dun ba malu fali hodi buka razaun.

    Relasiona ho realizasaun Liga Timorense epoka 2022-2023 ne’ebé mak sai ona polemika ne’e, Manager klubu Fc Portu Taibesi, Charles Guterres, komenta katak, situasaun ne’e fó impaktu ba klubu no mós jogador sira

    Karik ne’e la realiza hosi parte klubu sente triste tanba jogador barak mai hosi klubu la’ós selesaun ba hatudu jogu di’ak ne’e mai hosi milagre

    Ita sente triste ba jogador sira tanba sira Labele Dezenvolve sira nia talentu ne’e ba oin tan

    “Maibé ne’e akontese ita nia jogador barak mak sei hili dalan ba estranjeiru ba buka serbisu tanba joga ne’e ita tinda beibeik tanba automatikamente ita nia jogador sira mós idade aumenta”

    Nia dehan karik Liga mak la akontese iha tinan ne’e no tinan oin mak Timor Leste nia jogador di’ak sira bele halai hotu ba rai li’ur hodi buka serbisu.

    Ikus liu Manager klubu ne’e mós husu ba parte LFTL no FFTL hodi tuur hamutuk hodi solusiona problema refere.

    ADS

    spot_imgspot_imgspot_imgspot_img
    JHD Admin
    JHD Adminhttps://jhdtimor.com/
    Juventude Hadomi Desportu
    spot_imgspot_imgspot_imgspot_img

    Latest articles

    spot_imgspot_imgspot_imgspot_img

    Related articles

    Leave a reply

    Please enter your comment!
    Please enter your name here

    spot_imgspot_imgspot_imgspot_img