DILI- klube Primeira Divizaun Liga Futsal Timor-Leste, São Francisco Xavier garante hetan vitória kontra Malkamer Fc iha jogu Quartos finais Taca FALINTIL Futsal 2022
Kompetisaun Taca FALINTIL Futsal 2022 hahú tama ona ba faze Quartu finais.
Ekipa 8 neebé mak hakat ba Quartos finais refere mak hanesan tuir mai ne’e.
Entre ekipa 8 ne’e ekipa Sao Fransisco Xavier sei hasoru nia ekipa adversariu Malkamer Fc jogu entre ekipa rua ne’e sei hala’o iha loron aban loron 27 fulan Agostu 2022.
Ba JHD Treinador Sao Fransisco Xavier, Fransisco Antoninho, komenta, sira perparadu hasoru Malkamer Fc iha jogu Quartu finais refere.
“Ami sempre preparadu hasoru ekipa ne’ebe deit, ne’ebe aban ami prontu hasoru Malkamer FC iha jogu kuartu final Tasa futsal FALINTIL 2022. tanba ami nia objetivu iha kompetisaun hakarak tama final ne’ebé ami garatia aban sei hetan vitória kontra adversáriu ne’e” treinador São Francisco FC Francisco Antoninho ba jornalista JHD via WhatsApp sesta (26/08).
Treinador ne’e hatutan, antes tama kuartu final nia hatete ona katak, expetativa ba jogu aban kontra Malkamer FC ne’e minutu 40 remata mak sei determina skore se los sai manan nain, maibe sira garante hetan vitória iha jogu aban.
Francisco informa, Ba estratéjia jogu aban kontra Malkamer FC, sira sei joga ho kuidadu liu tan evita halo sala barak tanba ekipa adversariu mai jogador ne’ebe iha esperensia deit maibe sira sei agresivu liu bainhira halo ofende iha jogu laran.
São Francisco Xavier, rasik hakat to’o iha 4 finais Taca FALINTIL 2022 hafaoin halakon nia ekipa adversariu Babaken Fc ho score 5-2.
Enkuantu ekipa Malkamer Fc mós la’ós ekipa ne’ebé mak Kiik, prova hatudu Malkamer mós hakat ba 4 fianis Liu husi manan Ramelau Legend ho skore 5-0 iha oitavu finais.
Ekipa Malkamer Fc nu’udar mós ekipa ida ne’ebé mak mai ho jogador ne’ebé mak hotu hotu hosi kampu boot ne’ebé mak lídera hosi jogador estrela Paulo Gally Freitas no mós jogador sira hosi AD SLB Laulara no mós hosi klubu sira seluk tan.
ADS
