Dili– Prezidenti Klubu, AD Estrela Baguia Fc, Helio Fransisco Amaral, garante nia ekipa sei manán Saralima Fc, liu golu ida iha jogu 4 finais Taca FALINTIL Futsal 2022.
Jogu entre ekipa rua ne’e sei hala’o iha kampu Futsal FFDTL fatuhada Dili, sabadu, (26/08).
Jogu 4 finais ne’e ekipa rua sei tun ho ambisaun aas hodi manán tanba iha jogu 4 finais ne’e jogu hala’o ho sistema bota fora ka lakon sai.
Iha entervista ho Prezidente AD Estrela Baguia Fc, Helio Fransisco Amaral, hatete Jogador Eestrela Baguia preparado ona atu hasoru saralima Fc.
“Ami hatene katak jogu ne lakon sai no manan tama, maibe iha oportunidade jogu aban 40 menitus mak sei determina rejultadu” dehan Helio ba JHD via whatsApp sexta (26/08).
“EB garante sei manan ekipa adversariu Saralima Fc liu golu 1” dehan Helio ho fiar aan.
“Ba ami nia jogador EB aban sei tun ” HABIS – HABISAN ” iha 40 minutus ne hodi fo rejultadu diak ba ekipa. Optimista ami fiar an aban sei manan ekipa Saralima Fc. Hodi hakat ba faze tuir mai” Helio hakotu.
Enteretantu Treinador Saralima Fc, Janurio Ximenes, hatete atu jogu kontra EB Saralima perparadu maibé la garante atu hetan vitoria
“Atu hasoru EB ekipa Saralima nafatin preparadu atu partisipa jogus ne’e, maibé Saralima Fc la garantia dehan manan ona tanba jogus hotu sei deside iha 40 Minutu nia laran. Ita haree ba ekipa EB mos iha Jogador lubuk ida ne’ebé iha esperiénsia ba jogus futsal entaun kada ekipa sei haree ba sorti iha kampu laran, oinsa bele utiliza oportunidade ne’ebé ekipa ne’e hetan atu halo golu hodi nunee sai Vitoria ba jogus refere” nia komenta.
“Ami la iha estrategia ba jogus ida ne’e maibé nu’udar Treinador husu ba ha’u nia jogador sira atu nafatin respeita ekipa EB liu husi Deskansa di’ak no tau an di’ak atu nune’e bele tuir jogus ne ho diak i hetan rezultadu ne’ebé ita hakarak” nia haktuir.
Ekipa Saralima la Garante katak manan EB tanba jogador sira iha ekipa rua ne’e forsa hansan no mai husi Liga Futsal. Atu manan k lakon ne deside iha 40 Minutu no ekipa ida ne’ebé mak iha sorti diak atu halo golu hodi manan jogus refere.
Molok ne’e klubu rua fasil boot kontra sira-nia adversariu. Klubu Estrela Baguia konsege Manan klubu MOP husi Minesteriu Obras Pública ho score 5- 2, enkuantu Saralima Fc konsege manan klubu QB-Central husi bairu kintal boot ho Score 5 – 2.
CharllY Junior
