DILI – Klube BTR-ONE optimista manan maske hasoru klube professional Boa Sorte FC ne’ebé partisipa ona iha Pra-Liga Futsal Timor Leste, iha quatros final Taca FALINTIL 2022.
Kontinuasaun Tasa FALINTIL 2022, sei apresenta enkontru entre amateur BTR-ONE kontra Klubu Profesional Boa Sorte Fc. iha papel leten kualidade Boa Sorte Fc forte tebes, tan nakonu ho jogador esperiente ne’ebé partisipa ona pra-liga, maske nune’e, Prezidente BTR-ONE optimista halakon Boa Sorte Fc.
“Ami nafatin prepara hodi treinu no hadia ami nia jogu, ne’ebe ba jogu kontra Boa Sorte FC ami optimista sei manan adversáriu ne’e. maibe ami mos rekonese tanba Boa sorte FC nu’udar klube ho jogador experensia joga diak, tanba sira klube ne’ebe inklina an iha Pra liga futsal 2020-2021“, prezidente BTR-ONE FC Husi Juvinal Samuel ba jornalista JHD via WhatsApps sesta (26/08).
Prezidente ne’e hatutan, kona ba expetativa skore ba jogu refere minutu 40 remata foin determina se mak sai manan nain maibe sira nafatin koko halo jogu hanesan baibain no sei servisu makaas liu tan iha kampo laran.
Iha sorin seluk, treinador Flavio Amaral hateten preparadu iha termu mental no teknika jogu no fair aan sei manan BTR-ONE ho score 3 – 1.
“Ami fiar an katak sei manan BTR-ONE FC ho skore 3-1 tanba ami mos iha jogador esperensia balun ne’ebe joga tiha ona iha pra liga futsal 2020-2021 hamutuk ho Jogador foun lubuk ida ne’ebe mak joga hamutuk iha Tasa FALINTIL 2022 ne’ebe ami preparadu hasoru adversariu iha termu mental no hatudu kualidade jogu“, tenik Flávio
Antes ne’e, iha Oitovo finais BTR-ONE konsege tebe sai Andeco Fc ho socre 2 – 1, enkuantu Boa Sorte Fc tenki hasai kosar lubuk molok tebe sai Lafaek Bebora ho Score 4 – 3. Nune’e, iha kontinuasaun Tasa FALINTIL klubu rua sei kontra malun iha loron sabadu, 27 de agostu iha kampo futsal Quartel General F-FDTL Fatuhada Dili.
ADS
