spot_imgspot_imgspot_imgspot_img
spot_imgspot_imgspot_imgspot_img
More

    Manán 6-0, Mauputar hakoi Nomad Nia Mehi

    Dili– Mehi Nomad Fc, tenke husik hela nia mehi hodi hakat ba meus finais, hafaoin sofre derota ho score 6-0 kontra Klubu superior Muaputar Fc iha 4 finais Taca FALINTIL Futsal 2022.

    Jogu entre ekipa rua ne’e hala’o iha kampu Futsal FFDTL fatuhada Dili, sabadu, (27/08). Iha inisiu jogu ekipa rua hala’o jogu ho kuidadu tebes, maske núne’e ekipa Mauputar Fc ne’ebé mak nu’udar ekipa superior la persija tempu naruk hodi fura rede Nomad Fc, tanba jogu foin hala’o minutu 1, Cesario Barreto, marka ona golu ida hodi lori ekipa Mauputar Fc lídera ho score 1-0.

    Ho golu ne’e ekipa rua mantein lansa kontra no atake ba malu maibé ekipa Mauputar ne’ebé mak hatudu ritmu jogu ho di’ak konsge produs tan golu ida hodi muda aumenta score ba 2-0, liu hosi Cesario Barreto.

    Liu de’it minutu ida Mauputar aumenta tan golu ida hafoin jogador Vava maraka nia naran hodi lori nia ekipa hasae liu tan score ba 3-0. Ho score refere mantein to’o termina jogu primeira parte.

    Kontinua ba jogu segunda parte Mauputar Fc nafatin domina bola ho núne’e tama ba iha minutu 33 Mauputar haboot liu tan score ba 4-0 liu hosi jogador Cesario Barreto.

    Rede Nomad Fc nakdoko tan hafaoin jogador, Davidson produs tan golu ida hodi hasae score ba 5-0.

    Tama ba iha minutu 39 molok atu termina jogu segunda parte Mauputar Fc, marka tan golu ida liu hosi jogador Ilidio hodi taka jogu sugunda parte ho score 6-0.

    Hosi rezultadu vitoria ne’e lori ekipa Mauputar Fc hakat ba meus finais Taca FALINTIL Futsal 2022.

    Enkuantu Nomad Fc tenke elimina hosi Taca FALINTIL Futsal 2022 hodi husik hela mehi ne’ebé mak atu hakat ba meus finais tanba jogu refere ho sistema bota fora ka lakon sai.

    Enteretantu eventu refere ho objetivu atu komemora loron FALINTIL ba dala 47 ne’ebé mak monu iha loron 20 fulan Agostu tinan ne’e.

    CharllY Junior

    spot_imgspot_imgspot_imgspot_img
    JHD Admin
    JHD Adminhttps://jhdtimor.com/
    Juventude Hadomi Desportu
    spot_imgspot_imgspot_imgspot_img

    Latest articles

    spot_imgspot_imgspot_imgspot_img

    Related articles

    Leave a reply

    Please enter your comment!
    Please enter your name here

    spot_imgspot_imgspot_imgspot_img