Dil – Ekipa Boa Sorte Fc, susesu hakat ain ba semi final Taca FALINTIL Futsal 2022, hafoin dere nia ekipa adversariu BTR-ONE Fc, iha 4 finais, mak hala’o iha kampu Futsal FFDTL Fatuhada Dili, sabadu, (27/08).
Iha inisiu jogu ekipa rua jogu ho kuidadu hodi mantein linha defensivu hodi la fó fatin ba malu hodi marka golu, maibé ekipa Boa Sorte Fc, ne’ebé mak iha ona espernsia jogu iha Liga Futsal konsege fura rede BTR -ONE, iha minutu 7 liu hosi jogador António da Silva.
Tama ba iha minutu 11 BTR-ONE Fc, konsge produs golu ida hodi hatuur score ba 1-1, liu hosi jogador Tino Maya.
Score refere hasae liu tan intensidade jogu ho núne’e tama ba iha minutu 15, Sorte di’ak monu ba ekipa Boa Sorte Fc, hodi lídera hikas ho score 2-1, hafaoin Rafael Fatima, susesu fura rede BTR -ONE.
Ho golu ne’e hasae liu tan ritmu jogu liu husi kontra ataka maibé to’o jogu Primeira parte termina la iha tan golu ruma akontese ho núne’e score mantein 2-1.
Kontinua ba jogu segunda parte ekipa rua mantein lansa kontra ataka ba malu hodi buka fatin atu produs golu, maibé defeza hosi kada ekipa mantein solidu hodi la fó fatin ba malu.
Maibé tama ba iha minutu 30 Salvador da Silva, marka golu ida hodi haboot liu tan score ba 3-1.
Ho golu ne’e ekipa BTR-ONE Fc, hahú lakon vontade ikus mai Boa Sorte Fc lansa tan golu ida naftin liu hosi jogador, Salvador da Silva, iha minutu 37, hodi muda aumenta score ba 4-1 to’o termina jogu segunda parte vitória ba Boa Sorte Fc hodi kontinua hakat ain ba semi final Taca FALINTIL Futsal 2022.
Enkuantu ho derota halo ekipa BTR-ONE Fc elimina hosi Taca FALINTIL Futsal 2022.
Entretantu jogu ne’e ho objetivu atu komemora loron FALINTIL ba dala 47 ne’ebé mak monu iha loron 20 fulan Agostu tinan ne’e.
Caet
