Dili– Klubu Primeira Divizaun Liga Futsal Timor-Leste Mauputar Fc, optimista sei manán nia ekipa adversariu Boa Sorte Fc, tanba iha ambisaun atu sai Kampeaun ba Taca FALINTIL Futsal 2022.
Kompetisaun Taca FALINTIL Futsal 2022, tama ona ba semi final iha ne’ebé klubu zigante 4 mak prova ona kualidade sira nia kualidade hosi klubu 4 ne’e klubu 3 hosi Primeira Divizaun Liga Futsal Timor-Leste, no klubu segunda divizaun ida mak Saralima Fc.
Hosi ekipa 4 ne’e ekipa superior hosi Primeira Divizaun rua Mauputar Fc sei hasoru Boa Sorte Fc.
Iha jogu semi final ne’ebé mak sei hala’o iha kampu Futsal FFDTL fatuhada Dili, aban, (29/08), ne’e ekipa rua pronto ona atu kompete hodi hadau bileti ida hodi hakat ba final.
Mauputar Fc rasik iha ambisaun bo’ot hodi sai Kampeaun ba Taca FALINTIL Futsal 2022 refere, maske nune’e sira mós rekonese forsa hosi ekipa Boa Sorte maibé sira nafatin optimista hodi manán jogu refere.
“Mauputar prepara maksimal tebes atu hasoru boa sorte ekipa Boa Sorte laos ekipa kiik no sira mos pasti preparasaun diak maibé Mauputar optimis manan Boa Sorte” dehan Manager klubu Mauputar Fc Nilton Lay, ba JHD via whatsApp domingu (28/08).
“Motivasaun boot ne’ebé motiva mauputar mak hakarak duni kompete iha Taca falentil ne no hakarak sai Kampeaun iha Taça FALINTIL” dehan Nilton ho fiar aan.
Nia dehan, ekipa rua ne’e hakarak manan no tama final, resultadu ikus 40 minutu mak sei determina.
Maibé Mauputar optimis atu hetan vitoria “Mauputar Optimis Manan, Manan ho Score hira ne’e ha’u labele htene, ha’u so bele dhan deit resultadu Ikus mak determina”.
Iha sorin seluk Treinador Boa Sorte Fc, Favio Amaral, afirma, Boa Sorte Preparadu ona ba Jogu aban atu kompete ho Mauputar Fc.
“Ami rekonhese Mauputar hanesan ekipa zigante no ho materia jogador nebe’e diak deit, maibé husi ami pronto halo surpreza iha jogo aban” dehan Favio Amaral
“Ami mai ho motto ‘simples maibe qualidade’ tamba ne’e ami fiar sei manan Mauputar ho diferensia Golo ida 1-0 lae 2-1” dehan Favio ho fiar aan
“Ami nia motivasaun mak ami nia esperensia. Ami iha Esperensia diak kuandu konkore iha Taça sira iha Dili laran ne’ebé Ami kuando Ultrapassa ona iha Faze apuramentu ami nia fatin ikus mak sempre iha Final” Haktuir Flavio ho fiar aan hodi kompara.
Ekipa kobertura JHD
