DILI– Manager klubu Mauputar Fc, Nilton Lay, hatete, Mauputar Fc sei manán Saralima Fc iha jogu final Taca FALINTIL Futsal 2022.
Taca FALINTIL Futsal 2022 to’o ona final iha ne’ebé klubu primeira divizaun hosi Liga Futsal Timor-Leste Mauputar Fc, no mós klubu hosi segunda divizaun Liga Futsal Bermeta Fc, ne’ebé mak muda naran ba Saralima Fc.
Jogu final Taca FALINTIL ne’e sei hala’o iha kampu Futsal F-FDTL Fatuhada Dili, sexta, (02/09).
Relasiona ho jogu final nia ne’e Manager klubu Mauputar Fc, Nilton Lay, hatete, preparasaun Mauputar nia maksimal 100% ba final maibé Mauputar mós sei la meremehkan nia adversáriu.
“Kona ba Menang ho Score hira ne’e ha’u labele htene, 40 Minuto mk determina maibé Optimis Manan” dehan Nilton ba JHD via whatsApp, Kinta, (01/09).
Nia dehan, Jogador sira nian kondisaun
100% Fit no prontu, atu hasoru ekipa Saralima Fc.
“Antes ne’e, hau koalia ona Katak Mauputar Tuir Taca Falintil ne’e iha targetu no kompete atu sai Kampeaun ba Taca Falintil 2022” dehan Nilton
Nia dehan, Mauputar nunka meremehkan ekipa seluk no nia mós rekonese katak Saralima mos ekipa ne’ebé experensia, maibe nia fiar liu nia jogador sira
“Hau fiar Hau Nia jogador hotu Nia kualidade no experensia no halo Hau fiar no garante sai vitória” nia hakotu.
Iha sorin seluk Treinador Saralima Fc, Januario Ximenes, hatete, sira nia perparasaun nafatin ho kondisaun ne’ebé mak di’ak atu hasoru ekipa Mauputar Fc.
“Ba kondisaun jogador sira iha hotu Nivel ida diak tebes atu utiliza iha jogus final laran” dehan Januario.
“Ami nia jogador ida mak hetan kartaun mean i ida ne’e hanesan triste ida mai ami tanba nia labele joga final hodi suporta nia ekipa maibé ami sei iha tan jogador nain 4 ne’ebé prontu oukupa nia fatin hodi joga final aban, ida ne’e la fo influensia boot ba ami nia ekipa” nia haktuir.
“Ba kampeaun Taca Falintil ida ne’e ami la garantia katak ami sei manan tanba buat hotu sei deside iha 40 menitu nia laran maibé sura mos ami sai kampeaun sekarik ami iha sorte” katak Janurio
Nia dehan, Tanba atu deside manan la fasil hanesan ita koalia ho ibun ne’ebé ami deside iha 40 minutu nia laran no nafatin respeita ami nia equipa Adversario hanesan ekipa seluk nbe ami hasoru ona.
Jogu 6 ikus hosi Mauputar Fc : Mauputar Fc 5 – 2 Boa Sorte Fc, Nomad Fc 0-6 Mauputar Fc, Coelho Fc 1-1 Mauputar Fc, Baucau All Star 1-8 Mauputar Fc, Mauputar Fc 7-1 Jocris Fc no Mauputar Fc 5-0 QB-Central
Jogu 6 ikus hosi Saralima Fc
Saralima Fc 3-2 São Francisco Xavier, Estrela Baguia 2-6 Saralima Fc, Saralima Fc 5-2 QB Central Fc, Coelho Fc 0-2 Saralima Fc, Saralima Fc 22-1 DCP-TL no Saralima Fc 11 – 2 Maudoko F
CharllY Junior
