Dili — Prezidente Liga Futeból Timor-Leste (LFTL), Nilton Gusmao, hatete, orgaun liga la iha osan no depende de’it ba governu liu hosi Sekretariu Estadu Juventude no Desportu (SEJD), no mós Federasaun Futeból Timor-Leste (FFTL).
Relasiona ho orsamentu ne’ebé mak Governo liu hosi Sekretariu Estadu Juventude no Desportu (SEJD), hamautuk ho Federasaun Futeból Timor Leste (FFTL), prepara oan hamautuk 400.000 Mill ne’e.
Prezidenti LFTL Nilton Gusmao, hatete, orgaun liga la iha osan tanba sira la iha fonte de reseita, maibé sira sei buka osan hodi kompleta núne’e bele realiza Liga iha tinan ne’e.
“Liga buka atu kompleta maibé Liga rasik la iha osan, tanba Liga depende ba Sekretariu Estadu Joventude no Desportu, depende ba Federasaun Futeból Timor Leste depende ba emprezas privada sira maibé liga rasik la iha fonte de reseita ruma ka subsidiu hosi fatin seluk“hatete Prezidenti LFTL, Nilton Gusmao ba Jornalista hafoin remata enkotru ho dirijente klubu sira iha, Otel JL VILA, Fatuhada Dili, segunda, (05/09).
Tuir nia, Liga la iha osan para atu tau maibé liga buka fundus hosi terseiru parte para atu kompleta. Liga esforsu maibé depende ba ema sira ne’ebé hanoin atu kontribui maibé situasaun ekonomia ida hanesan ne’e la fasil.
Nia dehan, liga tenta masimu ho sira para bele Kompleta maibé liga la bele buka osan para atu organiza tanba atividade ne’e kona ba responsabilidade ema hotu nia responsabilidade SEJD ho FFTL nian Liga hanesan orgaun ezekutor de’it.
“Ami organiza de’it ami la’ós osan na’in, osan na’in la’ós liga hosi Sekretariu Estadu Juventude no Desportu 200 mill ba Liga ami halo analizia sei halo metade kompetisaun Liga tenke buka 195 Mill mais sé halo full kompetisaun Liga tenke angaria 295Mill tan ida ne’e todan oituan ba Liga“
Iha fatin hanesan, fundadór nu’udar mós Treinador, Zebra Fc, Rogero Moc, husu ba parte rua atu fo liman ba malu núne’e bele rezolve polemika durante ne’e.
Nia hatete, “orsamentu ne’ebe federasaun atu apoiu ba klube sira klubu tenki hatene para sira labele sai vitima maibé tinan ida ne’e mak apoiu finanseiru nafatin hanesan uluk 20,000 USD ba klube divizaun dahuluk no 10,000 USD ba klube divizaun daruak diak liu liga para klube lakoi partisipa”.
orsamentu tenki hasa’e ba klube divizaun dahuluk 40,000 USD no daruak 20,000 USD ne’ebe haree ba durasaun jogu nian kompetisaun metade ka full no sira tenki tau atensaun ba orariu jogu labele soke malu ho orariu selesaun nasional nian.
CharllY Junior
