DILI — Relasiona ho Federasaun Futeból Timor-Leste (FFTL) ne’ebé mak la fó salariu ba treinador Fabio Joaquim Marcial da Silva durante fulan 5 no deve jogador selesaun nasional Timor-Leste durante fulan 9 ne’e movimentu Amantes Futeból Timor-Leste husu ba Komisaun Anti Korupsaun (CAC) atu halo invesigasaun ba kazu refere tanba kada tinan Federsaun Internsional Futeból Asosiasaun (FIFA) no Asian Futeból Konfederasaun (AFC sigla ingles), sempre haruka fundus mai Timor-Leste hodi dezenvolve Futeból.
Deklarasaun ne’e hato’o hosi Movimentu Amante Futeból Timor-Leste, José Luís Oliveira, ba JHD via WhatsApp kuarta, (21/09).
Nia dehan, tuir informasaun kada tinan FIFA no AFC fo Osan $1 – 1.5 milliaun Mai FFTL hodi dezenvolve futebol. Agora osan Sira ne gasta ba Saida deit? Serake Audit nebe halao tinan tinan halo ho loloos ka onestu?
“Ita persiza kestiona kredibilidade husi auditor? Keta halo-ba, auditor mos komete fraude ba osan FIFA/AFC. Nusa iha Relatoriu hatudu buat hotu di’ak, maibé realidade FFTL seidauk selu salariu jogador Ekipa nasional Fulan 9, Treinador Fulan 6, deve osan ba selu estadium iha liur, no osan ba Liga Futebol to’o agora laiha” deklara José Luís Oliveira
“Entaun osan hirak ne’e ba hotu ne’ebé persiza ezije CAC atu Loke investigasaun ba FFTL, tanba halo lakon ka uza osan sala husi FIFA/AFC. Osan husi FIFA/AFC laos osan partikular, maibé osan publiku. FIFA/AFC fo Osan subsidiu ne ba futebol Timor Leste Laos ba privadu Francisco Jeronimo” tenik nia
Tuir nia, Situasaun ne’e nu’udar rezultadu husi lideransa ne’ebe laiha paixaun ba bola. Ema ne’ebe la hadomi futebol, maka la hatene oinsa jere dezenvolvimentu futebol ho di’ak iak, maibe uza pozisaun iha orgaun bola nudar instrumentu ba ninia interese.
Tuir nia, Kazu ne’e nu’udar explorasaun jogador ba interese ekonomia privadu lideransa Sira iha FFTL. Ne’e Laos deit iha indikasaun korupsaun, maibé mos hatudu inkumprimentu ba promesa ne’e Presidente FFTL promete iha kongresu Fulan Janeiru Liu ba.
Kazu Laos deit la selu salariu jogador Sira, maibe mos Treinador Selesaun Nasional la selu salariu ba Fulan hirak, osan ba realiza liga 1 no 2 devizaun “Kumu metin” no liga divizaun 3 no 4 devizaun nebe atu halao iha Munisipiu mos Ita la haree.
“Agora Ita kestiona, serake Relatoriu finansa nebe aprezenta iha kongresu ne’e original ka falsu” dehan nia ho duvida.
Selesaun nasional Timor-Leste la simu sira nia direitu deside iha jogu Suzuki Cup iha fulan Dezembru tinan kotuk no AFF iha Kambodia no mós Sea Games edisaun 31 iha Vietname.
Entretantu antes ne’e FFTL rekonese katak sira la fó salariu ba treinador ho nasionalidade Brazil Fabio Marcial da Silva durante fulan 5.
Enkuantu Treinador Fabio Marcial kada tinan simu salariu hamautuk 10 Mill dólar ho núne’e fulan 5 la selu ne’e hamautuk ho montante 50 Mill dólar.
Núne’e mós iha loron 14 fulan Setembru ne’e jogador selesaun nasionál sira halo ona konferensia imprensa hodi ejiji sira nia direitu ne’ebé mak fulan 9 la hetan ne’e.
Selesaun nasional mós lamenta tebes ho FFTL ne’ebé mak atende uluk sira nia funsionsriu sira uluk ho salariu fulan 2 tama dala ida no kontinua abandona sira nia direitu.
Iha loron 16 fulan Setembru ne’e antigu Jogador mós sente triste wainhira rona novidades selesaun nasionál nia direitu ne’ebé mak FFTL budu to’o fulan 9 la selu ne’e
Entretantu tuir informasaun ne’ebé mak JHD asesu katak la’ós de’it direitu ba jogador selesaun nasionál no Treinador mak la selu maibé mós selesaun nasional feto mós seidauk simu sira nia direitu, no mós selesaun nasionál Futsal Timor-Leste mós seidauk simu sira nia direitu.
CharllY Junior
