DILI–Prezidente klube Baucau All Star (BAS) Baldino Martins hatete, sira prontu ona hodi kompete iha eventu tasa Ami Familia Militar Aswain (AFAMA) no Femenina Falintil Forsa Defeza Timor-Leste (F-FDTL) 2022.
“Ami nia ekipa sempre preparadu ba kompetisaun hotu-hotu inklui Tasa AFAMANO Femenina F-FDTL tanba durante ami iha orariu treinu semanal ne’ebe ami estabelese ona atu nune’e jogador sira tuir ne’ebé kada semana“, prezidente BAS Baldino Martins ba jornalista JHD via WhatsApp sabadu (24/09).
Prezidente hatutan, sira nia tarjetu ba kompetisaun Taca AFAMA Feminina F-FDTL 2022 maka sira hakarak sai kampiaun tanba sira nia esperansa ba kompetisaun saida deit sira partisipa sira sempre hakarak sai manan nain tanba sira preparadu tebes tuir kualker kompetisaun ne’ebé realiza iha Timor-Leste.
Baldino informa, agora sira preparadu ona tanba sira iha ona orariu treinu nian ne’ebe kada semana sira treinu dala tolu selae dala rua.
BAS nu’udar ekipa ne’ebe kompete iha segunda divizaun liga futsal Timor-Leste tanba iha tinan kotuk sira partisipa iha pra liga futsal 2020-2021 ne’ebe sira okupa pozisaun 21 ho pontu 16 husi jogu dala 23 manan dala haat impata dala haat no lakon dala 15.
Entretantu eventu refere tuir planu sei harame hosi klubu Futsal 32 ba Mane no sei hein husi ekipa Feto nebe maka sei taka registrasaun iha loron Quarta semana oin.
Eventu refere sei organiza hosi Joventude Hadomi Desportu (JHD) no tuir planu sei uza kampu Futsal FFDTL fatuhada Dili.
ADS
