Dili– jogador prinsipál na’in rua, Joko Pamungka, no Rui Martins sofre aleiza Mushila Fc, sei promove jogador foun na’in rua iha eventu Taca AFAMA ho Femenina F-FDTL 2022.
Jogador foun na’in rua ne’ebé mak Mushila Fc sei promove iha eventu ne’e mak ho naran Verito Denilson Neri Saldanha Fragoso (17), no Fernando da Silva (18).
Tuir Sekretariu Jerál Klubu Mushila Fc, Aquing Ung (PK) hatete, Mushila Fc pronto ona para atu kompete no sira komesa hahú ona treinamentu iha kampu no Partisipasaun jogadores masimu tebetebes treinu primeiru ida ne’e i sei kontinua treinu dala rua hodi hein teknikal meeting para bele deside loloos orariu jogu nian.
“Mushila la iha mudansa ba jogadores ami lakon boot tanba kapitaun Rui Martins aleiza afeita oituan ba ekipa Mushila Fc” informa Sekretariu jerál Klubu Mushila Fc Aquing Ung ba JHD iha Pateo kolmera, Dili, sexta (23/09).
Nia dehan, sira iha ona jogadores balu ne’ebé mak sira bolu ona para bele reforsa maibé sei iha prosesu selesaun no sira seidauk iha konkordansia ida ho jogador kona-ba atu haforsa mushila ka lae maibé torneo AFAMA ne’e sira uza hanesan meus ida para atu halo selesaun ba jogadores.
“Tanba ne’e mak ami bolu mós jogador foun balu mai reforsa iha Taca AFAMA ne’e hanesan mós jogador balu iha Boa Sorte nian Jerman no Boavista rasik atu bele mai reforsa Mushila iha taca AFAMA ne’e para haree mós sira nia kontribuisaun ba klubu rasik” dehan nia
“Mushila mós sei aprezenta jogador foun na’in rua tenta atu promove sira oinsá atu bele haree talentu foun para lebele depende demais ba jogador sira ne’ebé mak kleur oan iha kampu Futsal ne’e rasik” nia afirma.
Ho aleiza ne’ebé mak jogador na’in ne’e enfrenta fó impaktu ba boot ba sira tanba jogador na’in rua ne’e mak metin iha linha defensivu Mushila iha jogu Pra Liga epoka tinan kotuk.
“Tanba ne’e mak Mushila nia konsistensia katak sira la iha ne’e sei fó impaktu ba iha mushila i ami fiar katak iha prosesu rekuperasaun ba jogadores nian rua ne’e golkiper hosi Indonézia Joko Pamunkas ho ami nia kapitaun Rui Martins iha prosesu rekuperasaun ne’e Taca AFAMA sira sei la partisipa” nia Salienta.
Nia dehan, Taca AFAMA ne’e Mushila uza hanesan prosesu selesaun ba jogadores Mushila la iha espektasaun boot atu sai Kampeaun iha torneo ne’e rasik
Maibé Mushila orgullu ba komisaun organizadora Taca AFAMA ne’e rasik tanba Mushila konsidera ne’e hanesan tryout ida di’ak ba sira molok kompete iha Liga Futsal Timor-Leste
Entretantu Taca AFAMA no Femenina F-FDTL Futsal 2022 ne’e sei partisipa husi klubu hamautuk 32 ba Mane no Feto seidauk hatene tamba cdauk taka registrasaun.
Tuir informasaun eventu refere sei hahú iha inisiu fulan Setembru ne’e nia laran.
CharllY Junior
