DILI–Klube Saralima FC preparadu ona hodi compete iha Tasa Ami Familia Militar Aswain (AFAMA) no Femenina Falintil Forsa Defeza Timor-Leste (F-FDTL) 2022 tanba treinu uza sistema no tryout ho ekipa sira seluk.
“Ami preparadu nafatin hodi kompete ba Taca AFAMA Feminina F-FDTL 2022 iha tinan ne’e tanba ami treinu uza sistema ne’ebe di’ak no tryout barak ho ekipa sira seluk ne’ebe hakarak joga ho ami“, treinador Saralima FC Susano Ximenes ba jornalista JHD via WhatsApp sabadu (24/09).
Treinador ne’e afirma, Saralima iha tarjeitu nafatin hakarak sai kampiaun ba jogu AFAMA no Feminina F-FDTL 2022 maske ida ne’e susar atu realiza tanba kada ekipa hotu iha nia mehi rasik hakarak sai kampiaun hotu husi sira nia preparasaun ba jogu refere.
Nia informa, Saralima FC nia preparasaun nafatin no jogador sira mos iha kondisaun diak ka preparadu hotu ba Tasa AFAMA no Femenina F-FDTL 2022 ne’e klube barak sei kompete mai ho jogador kualidade maibe Saralima FC la hakfodak ba ekipa sira hotu tanba ekipa hirak ne’e barak ona mak sira manan hotu ona liu husi kompetisaun iha Timor-Leste.
Saralima FC ne’ebe antes ne’e kunesidu ho naran Bermeta FC ne’e nu’udar ekipa ne’ebe antes tuir ona pra liga futsal Timor-Leste epoka 2022-2023 no mos sai kampiaun ba jogu barak iha Timor-Leste ne’e tan ne’e ho esperensia sira iha sira sei hatudu jogu diak iha Tasa AFAMA Femenina F-FDTL 2022 hodi sai kampiaun.
Entretantu eventu refere tuir planu sei harame hosi klubu Futsal 32 ba Mane no sei hein husi ekipa Feto nebe maka sei taka registrasaun iha loron Quarta semana oin.
Eventu refere sei organiza hosi Joventude Hadomi Desportu (JHD) no tuir planu sei uza kampu Futsal FFDTL fatuhada Dili.
ADS
