Jogador ne’ebe partisipa iha Pra Liga Futsal 2022 Tinan hira ba kotuk komesa sai barak, nune’e Gamer FC hahu prepara Jogador foun no tuan nain-4 hodi kompete iha tasa AFAMA no FEMENINA F-FDTL 2022.
Relasiona ho Kompetisaun Futsal ho naran TACA AFAMA no FEMENINA F-FDTL Futsal 2022 ne’ebe sei akontese iha tempu besik, maka klubu Primeira Divizaun Gamer FC hahu halo preparasaun ba Jogador foun Sira.
“Ami halo ona preparasaun ba jogadores foun sira tanba kuaze jogador sira antes reforsa ekipa iha Pra Liga sai hotu hela maka nain haat deit mak sei joga ho jogador foun sira ne’ebé haree ba tempu ne’ebé limitadu ami sei esforsu atu preparasaun liu tan liuliu iha treinu fiziku nian hodi nune’e preparadu partisipa Tasa AFAMA no Femenina F-FDTL 2022”, treinador Gamer FC David dos Santos Soares ba jornalista JHD via WhatsApp Domingu (25/09).
Treinador hatutan, sira la iha tarjetu atu sai kampiun iha Tasa AFAMA no Femenina F-FDTL 2022 maibe ho esperansa ida katak esforsu masimu kada Jogu mak sei determina rezultadu ikus ekipa ne’ebé los atu sai manan nain.
Nia afirma, kona preparasaun tempu mak limitadu atu halo preparasaun maximu mak difisil maibé ida ne’e la’ós obstakulu ba sira maibé sira sei prepara an di’ak liu tan iha tatika no fiziku para hasoru adversariu sira liu-liu hasoru klube boot sira ne’ebé mai ho jogadore sira di’ak de’it maibé sira sei ba ho espiritu kompete tanba resultadu ikus 40 minutu mak sei determina hanesan jogu Ne’ebé sira halo ona iha Pra-Liga futsal Timor-Leste epoka 2020-2021 ne’ebé konsege hakat ba Divisaun 1 liga futsal Timor-Leste.
Entretantu eventu refere tuir planu sei harame hosi klubu Futsal 32 ba Mane no sei hein husi ekipa Feto nebe maka sei taka registrasaun iha loron Quarta semana oin.
Eventu refere sei organiza hosi Joventude Hadomi Desportu (JHD) no tuir planu sei uza kampu Futsal FFDTL fatuhada Dili.
ADS
