DILI– La’ós de’it ekipa Selesaun nasional mane mak Federasaun Futeból Timor-Leste (FFTL) deve maibé mós selesaun nasional Femenina Timor Leste, ne’ebé mak kumpri ona sira nia dever hodi reprezenta ona Timor Leste hodi kompete ona iha eventu Asian Futeból Federsaun (AFF) Woman Championship 2022, iha Filipina fulan Jullu liu ba ne’e mós Federasaun Futeból Timor-Leste (FFTL) seidauk selu sira nia direitu.
Selesaun nasional Femenina Timor Leste kumpri ona sira nia dever nu’udar futebolista Profesional ne’ebé reprezenta ona Timor Leste iha eventu AFF Woman Championship 2022, iha Filipina ne’ebé mak hahú hosi loron 04 to’o loron 17 fulan Jullu liu ba ne’e. Maske dever kumpri ona maibé FFTL seidauk selu sira nia direitu. Maibé selesaun nasionál feto sira tauk atu ejiji sira nia direitu tanba tauk hetan sansaun husi FFTL núne’e sira subar de’it sira nia halerik.
“Durante ami ba ne’e to’o agora ami seidauk simu maibé sira promete ona atu fó maibé to’o agora la iha” informa fontes jogadora Femenina ne’ebé mak lakohi fó sai nia identidade ba Jornalista via telefone segunda (26/09).
Fontes ne’e hatete, sira nia kolega jogador balu tenta ona ba iha finansas FFTL nian maibé seidauk iha resposta ruma hosi FFTL.
“Kada jogador ida hetan 770 dólar ami hamutuk na’in 23 Iha kolega balu ko’alia ona maibé ami sei hanoin naruk tanba sei halai oin seluk fali impaktu mai ami jogadores” fontes ne’e hatete.
Osan 770 ne’e 270 ba treinu iha Timor Fulan ida molok atu ba aranka ba Bali ne’e seidauk no osan tuir kompetisaun iha Filipina osan hamutuk 500 ne’e mak seidauk.
Nia haktuir, ofisiál sira nia osan Simu sira osan ho kompletu kedas la iha ida falta molok aranka ba Bali no hela jogador sira mak seidauk simu sira nia direitu.
Selesaun nasional Femenina aranka ba Bali iha loron 06 fulan Juñu hodi halo Traning Camp (TC) durante fulan ida iha Bali molok aranka ba Filipina hodi kompete iha eventu AFF Woman championhsip 2022.
“Osan TC iha Bali tama ona maibé osan trenu iha Timor osan seidauk tama asina ona kontratu ona ami nia Treinador ba leten dehan osan la jadi transfer maibé transfere uluk fli 800 osan viajen ne’e uluk” nia Salienta.
Situasaun ne’ebé jogador selesaun nasionál Femenina hasoru bainhira hala’o TC iha Bali.
Fontes ne’e konta, FFTL promete atu sosa sasan (sepatu running, pasta, jaket) iha bali. Entaun jogador barak mk ba TC la lori sepatu running nian maibé sira lori de’it sepatu style nu fin resultado laiha FFTL la sosa entaun obriga jogador sira tenke halai ho sapatu style nian hodi ba halai.
Ho situasaun pasta la iha ne’e obriga jogador sira lori sira nia sapatu tau iha sabaun nia fatin hodi lori ba treinu ho ida ne’e hamonu jogador sira nia mentalidade iha ema nia rain.
Enkuantu FFTL mós sei deve hela selesaun nasionál mane fulan 9 ona seidauk selu sira nia direitu.
Antes ne’e selesaun nasionál mane halo ona konferensia imprensa hodi ejiji sira nia direitu ba FFTL maibé to’o agora seidauk iha data serteza bainhira atu selu sira nia direitu.
CharllY Junior
