Dili– Ekipa Femenina Mushila Fc, fahe pontu ho nia ekipa adversariu AD Estrala Baguia FC, iha jogu abertura Tasa AFAMA Futsal no Femenina FFDTL 2022, hafoin empata ho score 2-2.
Jogu entre ekipa rua hatudu ritmu di’ak iha inisiu jogu abertura tasa AFAMA Futsal no Femenina F-FDTL epoka 2022 iha kampu futsal Fatu-hada Dili, Tersa (04/10/2022).
Iha inisiu ekipa rua lansa kedan kontra atake ba malu, nune’e iha Liu deit Minutu Rua AD Estrela Baguia konsege sobu defeza Musilah FC ne’ebe jogadór Leticia Do Rego konsege komverte sai golu dahuluk iha enkontru refere, score 1-0.
Ho golu ne’e hamanas kedan atmosfera iha kampu futsal Fatuhada, maske nune’e Musilah FC konsege kontrola no organiza Jogu Diak, nune’e Liu husi koordenasaun entre Jogador ne’ebe fo espasu ba Nilda romana hodi Lansa suta iha Minutu 7 ne’ebe guarda rede la konsege antisipa, Golu! Score 1 – 1.
Maibé ekipa AD Estrela Baguia la hamate nia ritmu jogu, nafatin halo esforsu oin-oin hodi suta, Maibe guarda rede konsege antisipa ho diak.
Tama ba Minutu 21 jogadór Tuchya ho Númeru kamizola (29) lori Musilah FC lidera score hafoin simu bola husi Nilda Romana hodi Lansa suta kapas ne’ebe halo rede AD Estrella Baguia nakdoko, 2-1.
Iha momentu tuir Mai, ekipa Rua kontinua Lansa atake ba malun, nune’e to’o parte primeiru Renata Musilah FC kontinua lidera ho score 1-2.
Iha parte segundu, AD Estrela Baguia halo foti inisiativa hodi domina Jogu. Liu tiha tentativa oin-oin, ikus Mai iha Minutu 29 jogadór Beatriz Wenda konsege muda score ba 2-2.
Ho nune’e jogu segunda parte remata ekipa rua fahe pontus 2-2, iha jogu tasa AFAMA Futsal no Femenina F-FDTL epoka 2022.
Caet
