spot_imgspot_imgspot_imgspot_img
spot_imgspot_imgspot_imgspot_img
More

    Buset Fc Sai Ekipa dahuluk Hakat ba 8 Finais

    Dili — Klubu femenina Buset Fc, Sai ekipa dahuluk neebe mak hakat ba 8 Finais Taca AFAMA ni Femenina F-FDTL 2022, hafoin halakon nia ekipa adversariu Mushila Fc ho score 2-1, iha faze apuramentu grupu (A).

    Duelo entre ekipa Femenina rua ne’e hala’o iha kampu futsal F-FDTL fatuhada Dili, domingu, (09/10).

    Iha inisiu jogu ekipa rua tun ho anbisaun Aas hodi produs golu Liu hosi tekniku no tatika idaidak Nia maibe sorte diak monu ba ekipa Buset Fc, hodi produs uluk golu Ida Liu hosi asaun Hastari Wiwit, iha minutu 2 ho nunee score fila aan ba 1-0.

    Ho score refere halo jogu sai manas liu tan hodi lansa kontra atake ba malu maibe la iha golu ruma mak akontese too oras Primera parte termina score mantein 1-0.

    Kontinua ba jogu seguna parte Mushila Fc neebe mak sofre uluk golu Ida iha Primera parte konsege responde golu ida hodi halo balansu ba rezultadu sai 1-1. Liu hosi asaun Nilda Romana iha minutu 17.

    Score refere la dura ho tempu naruk tanba iha minutu 21 Buset Fc, lidera hikas hafoin Virginia Branco hatudu Nia asaun hodi sobu linha defensivu Mushila Fc, nian hafoin marka golu hodi muda kedas score ba 2-1.

    Ho score ne’e halo jogu sai manas liu tan tanba ekipa Mushila Fc, esforsu hodi halo balansu ba rezultadu liu hosi atake neebe makas maibe defeza hosi ekipa Buset Fc, mantein linha neebe mak solidu hodi la fo Fatin ba Mushila Fc hodi produs golu too termina jogu vitoria ba Buset Fc ho score 2-1.

    Hosi rezultadu vitoria ne’e lori ekipa Femenina Buset Fc, hadau billeti Ida hodi hakat ain uluk ba faze 8 Finais ho pontus 3 hosi jogu dala Ida.

    Enkuantu ekipa Mushila Fc okupa iha terseiru klasifikasaun provizoriu ho pontus 1 hosi joga dala rua empata Ida no derota dala ida.

    Entertantu iha pool (A) kompostu hosi ekipa 3 mak hanesan Buset Fc, Mushila Fc, no AD Estrela Baguia.

    CharllY Junior

    spot_imgspot_imgspot_imgspot_img
    JHD Admin
    JHD Adminhttps://jhdtimor.com/
    Juventude Hadomi Desportu
    spot_imgspot_imgspot_imgspot_img

    Latest articles

    spot_imgspot_imgspot_imgspot_img

    Related articles

    Leave a reply

    Please enter your comment!
    Please enter your name here

    spot_imgspot_imgspot_imgspot_img