Dili — Ekipa futsal femenina hosi Timor Telecom Elimina husi Taca AFAMA no Femenina F-FDTL Futsal 2022, hafoin sofre derota iha jogu ikus kontra Malkamer Fc ho score 3-0.
Ekipa femenina Timor Telecom hala’o ona jogu dala rua, iha jogu Primeru ekipa Timor Telecom sofre uluk derota ho score 14-0 kontra Amigas Fc.
No ohin kinta (13/10), ne’e ekipa Timor Telecom hala’o jogu ba daruak nian kontra Malkamer fc maibe sira kontinua sofre derota ho score 3-0 ho rezultadu derota ba daruak nian ne’e obriga ekipa Timor Telecom elimina uluk hosi Taca AFAMA no Femenina F-FDTL.
Jogu entre ekipa Timor Telecom kontra Malkamer Fc ne’e hala’o iha kampu futsal F-FDTL fatuhada Dili.
Iha inisiu jogu Primera parte ekipa rua ne’e hotu hotu hatudu jogu diak liu hosi kontra atake neebe makas maibe sorte diak monu ba ekipa Malkamer Fc hodi produs golu Ida Liu hosi jogador Cidalia iha minutu 14 hodi hatur score ba 1-0. Ho score ne’e mos mantein too termina jogu Primera parte.
Kontinua ba jogu Segunda parte ekipa rua mantein hatudu jogu ho kualidade hodi lansa kontra atake ba malu maibe tama ba iha minutu 20 Malkamer Fc, marka tan golu Ida hodi haboot score ba 2-0, Liu hosi jogador Etha.
Tama ba iha minutu 29 Malkamer Fc haboot Liu tan score ba 3-0 hafoin jogador Novia maraka Tan golu Ida.
Ho score 3-0 ne’e mantein too termina jogu Segunda parte vitoria ba Malkamer Fc. Hosi rezultadu vitoria ne’e lori ekipa Femenina Malkamer Fc Hakat ba 8 Finais Taca AFAMA no Femenina F-FDTL 2022.
CharllY Junior
