Dili– Treinador klubu Mauputar Fc, Carlos Sarmento, la hakfodak ho nia ekipa adversariu Bonkar Fc iha 8 finais Taca AFAMA no femenina F-FDTL 2022, no garante sei manan iha 40 minutu nia laran.
Ohin Sabadu (22/10) Klubu Primera divizaun Mauputar Fc sei hasoru Bonkar Fc iha 8 finais Taca AFAMA no femenina F-FDTL 2022.
Bongkar Fc nudar ekipa foun ne’ebe mak kompete iha Taca AFAMA no femenina F-FDTL 2022 maske nunee klubu refere halo ona supreza hafoin manan klubu Primera divizaun Sao Francisco Xavier ho score 4-2, iha jogu ikus faze apuramentu nian hodi deside sira Nia destinu hodi hakat ba faze eliminasaun 8 finais ho estatutu nuudar runner-up grupu (C) ho pontus (6).
Maske nunee Treinador klubu Mauputar Fc Carlos Sarmento, la hakfodak ho Bonkar Fc tanba sira Nia ekipa halo ona preparasaun masimu ona durante nee no 100% prontu hasoru bongkar Fc.
“Respect full ba Bongkar Fc maibe ho ami Mauputar nia preparasaun ne’ebe ke diak ho jogador ne’ebe prontu fo rezultadu positivu ba ekipa Mauputar, Mauputar Fc sei la tauk atu hsoru ekipa se deit” dehan Treinador klubu Mauputar Fc Carlos Sarmento ba JHD via watcaap sexta (21/10).
“Sim mauputar la hakfodak ho bongkar Fc joga maske nia hatudu ona jogu ne’ebe kualidade aas”
Nia dehan, sira garante sei manan maibe atu manan ho rezuldu hira nee, 40 minutu mak sei determina.
CharllY Junior
