Dili — Prezidente klubu Ramelau Fc, Borja Antonino, hatete, Maske la fasil atu manan Boa Sorte Fc maibe sira garante vitoria nunee bele hakat ba faze Quartos finais Taca AFAMA no femenina F-FDTL 2022.
Jogu oitavu finais Taca AFAMA no femenina F-FDTL 2022 ekipa superior rua hosi Primera divizaun Liga futsal Timor Leste Boa Sorte Fc sei kontra Ramelau Fc.
Ramelau Fc hakat ba faze oitavu finais ne’e ho estatutu nuudar kampeaun grupu (E) ho pontus 9 hosi jogu dala 3 manan hotu.
Enkuantu Boa Sorte Fc hakat ba faze oitavu finais nee ho estatutu nuudar runner-up hosi grupu (F) ho pontus (6) hosi jogu 3 manan rua no derota ida.
Duelo entre ekipa rua ne’e sei hala’o iha kampu futsal F-FDTL fatuhada Dili domingu (23/10).
“Boa Sorte, Ami respeita hanesan Clubo ida ke Forte, Alende de Partisipante iha Liga Divisaun Primeira, Ami mos lakon ho Sira iha Jornada Ikus Pra Liga nian” dehan prezidente Borja Antonino ba JHD via watcaap sabadu (22/10).
“Ami konfiante atu sai vensedor, maske la fasil atu hetan” Nia haktuir.
“Ami Respeita Nafatin sira hanesan Clubo Boot. kualker jogo mak aban sira aplika Ami Sempre Pronto” Nia hakotu.
Hosi Sorin seluk Treinador klubu Boa Sorte Fc Flavio Amaral, hatete, sira preparadu no prontu atu halo surpreza.
“Boa Sotre Fc, preparadu no prontu halo surpreza ba superioridade Ramelau Fc iha Oitavu finais” dehan Flavio ho fiar aan.
“Boa Sorte Fc iha Taça AFAMA ami mai partisipa hodi halo mos preparasaun ba Jogador hodi hasoru liga iha tempu badak. Ami Rekonhese Ramelau Fc. ekipa ne’ebe Preparadu kleur no diak tebes no sira iha kualidade jogador ho oras semo diak mos, halo sira hanesan ekipa zigante ida, ho ida ne’e ami kaundu manan sira kerdizer ne’e Supreza ida” Flavio haktuir.
Nia dehan, sira koko atu bele halo surpeza iha jogo aban no sira sei joga All Out iha jogu aban hasoru Ramelau Fc.
“Ami mos iha Materia Jogador ne’ebe Iha esperensia mos, karakter jogu ami nian Offensivu ho ida ne’e ami fiar katak ami sei halo surpreza no sei harame jogu aban” dehan Treinador ne’e ho fiar Aan.
“Atu dehan mos katak ami nia materia jogador simples maibe mesak kualidade tamba ne’e ami mos fiar katak ami sei halo supreza” Nia komenta.
Flavio hakotu hodi fo nia prediksaun “Karik ami konsege halo surpreza entaun ami sei manan ho golu 1-0 ka 2-1”
Enkuantu prezidente Ramelau Fc Borja Antonino fo Nia prediksaun katak sira sei manan Boa Sorte ho score 2-0.
CharllY Junior
