Dili — Prezidente klubu BTR-ONE, Juvinal Samuel Da Silva, hatete, maske sira iha jogador nain 3 sofre aleiza maibe sira nafatin fiar aan no garante atu manan Lafaek Fc.
Jogu kontinuasaun Taca AFAMA no femenina F-FDTL 2022, BTR-ONE sei hasoru Lafaek Fc iha faze oitavu finais duelo entre ekipa rua ne’e sei hala’o iha kampu futsal F-FDTL fatuhada Dili domingu (23/10).
Tuir prezidente BTR-ONE, Juvinal Samuel Da Silva, preparasaun nafatin hanesan babain sira nafatin treinu oinsa atu stabilija liu tan sira nia jogador sira nia kecocokan bermain iha kampu laran, tamba maioria sira nia jogador husi kampu boot.
“Seidauk iha liafuan tauk no la garantia maibe ami antisipa tamba ami iha jogador prinsipal balun ne’ebe mak sei cedera no la tuir jogu maibe ami nafatin esforsu atu hakat liu oitavu finais nee ba Quarto finais” Juvinal Samuel Da Silva,
Nia dehan, iha jogador nain 3 mak sofre aleija jogador nain tolu nee mak Ubaldo Belo, Gabriel Belo no Tertuliano Araujo.
“Ami nafatin garantia, ami nia team ladauk tauk tamba ami mos iha ona sperensia durante jogu iha taxa FALINTIL no Ida ne sai hanesan bukae mai ami nia team atu hakat ba oin nafatin” Nia hatete.
“Sim hanesan jogador intimu ne’ebe sofre aleija fo impaktu tamba jogador refere mos kontribui ona golu no nia mz joga iha oras barak nia laran” Nia komenta.
Maske nunee prezidente klubu ne’e, garante sei hatudu jogu ne’ebe diak hodi manan maske iha jogador balu hetan aleija.
CharllY Junior
