Dili — Klubu Primeiro divizaun São Francisco Xavier, susesu halakon AD Estrella Baguia ho score 4-3. Iha jogu kontinuasaun Taca AFAMA no femenina F-FDTL 2022, sofre uluk iha Primeiro parte Ekipa Sao Francisco Xavier susesu manan hikas hodi hakat ba faze Quarto finais.
Jogu entre ekipa rua ne’e hala’o iha kampu futsal F-FDTL fatuhada Dili sabadu (22/10), ekio rua ne’e hala’o kedas kontra atake ba malu desde kick off Primera parte no Tama ba iha minutu 11 Carlos Godinho susesu lori Estrella Baguia lidera uluk ho score 1-0.
Liu deit minutu Ida Kapitaun ekipa Estrella Baguia Filomeno da Costa lori nia ekipa haboot liu tan score ba 2-0.
Sao Francisco Xavier foin hamihis score ba 2-1 iha minutu 17 Liu hosi asaun Agostino Soares.
Ho golu ne’e halo jogu sa’i manas liu tan maibe la iha tan golu ruma akontese too termina jogu Primera parte score mantein 2-1.
Kontinua ba jogu segunda parte Ekipa São Francisco Xavier domina kedas jogu hodi Lansa kontra atake ho nunee Tama ba iha minutu 22 Remigio de Araujo susesu fura rede Estrella Baguia hodi hatuur score ba 2-2.
Liu deit minutu rua Remigio de Araujo hamorin fila fali Tan nia naran hodi lori nia ekipa Sao Francisco Xavier lidera ho score 3-2.
Ho golu ne’e jogu kontinua sai manas liu tan liu hosi kontra no ataka ho nunee Tama ba iha minutu 32 Sao Francisco Xavier haboot liu tan score ba 4-2 Liu hosi jogador Gaudencio Da Costa.
Estrella Baguia konsege hamihis score ba 4-3 Liu hosi jogador Juvencio Menezes hp score refere mantein too termina jogu segunda parte Vitoria ba Sao Francisco Xavier.
Hosi rezultadu Vitoria ne’e lori ekipa São Francisco Xavier hakat ain ba faze Quarto finais Taca AFAMA no femenina F-FDTL 2022.
Enkuantu ekipa Estrella Baguia obrigado tenke elimina hosi Torneo Taca AFAMA no femenina F-FDTL refere tanba jogu Oitavu fianl refere hala’o ho sistema bota fora ka lakon sa’i.
CharllY Junior
