Dili– Klubu Primera divizaun liga futsal Timor Leste Caesar Dante sei hasoru Brotherhood fc iha jogu kontinuasaun Taca AFAMA no femenina F-FDTL 2022, faze oitavu final ne’ebe mak sei hala’o iha kampu futsal F-FDTL fatuhada Dili segunda (24/10).
Tuir prezidente klubu Caesar Dante Osorio Manuel Fernandes, Caesar Dante prontu e bem preparadu atu frekuenta jogu aban nian.
“Klaru sira mos ekipa forte, maibe sira jogador maioria futebol 11 e tan nee ami optimista sei manan sira iha jogu aban no ami mos iha ona preparasaun iha treinu hodi antisipa sira nia kontra atake ba ami” dehan Osorio ba JHD via WhatsApp Domingu (23/10).
Optimista manan sira tamba brotherhood aban sem prezensa Rofino nian nbe hetan kartaun mean ha joga contra Saralima
“Ami sei manan ho score 5 – 0, Razaun manan 5 – 0 tamba maioria jogador brotherhood nian sei susar atu atende ha’u nia jogador sira iha 2° Parte. Tamba 2° parte maioria jogador iis laiha htu ona maka fasil tebes ba ha’u nia jogador sira atu hlo golu” Nia hakotu hodi fo prediksaun.
Hosi Sorin seluk ofisial Brotherhood fc, Revalino, hamnasa deit ho prediksaun prezidente Caisar Dante nian no sira mos konsidera Caesar Dante laos ekipa boot.
“Exspetasaun ne’ebe sira hanoin ne’e sira nia direitu Maibe ami mos hakarak hatete deit katak ami la konsideira Caesar Dante hanesan ekipa boot ida ne’ebe maka susar atu manan maibe ami konsideira sira hanesan mos ekipa Nomad ne’ebe maka foin lalais ami menang to 6-2” dehan Revalino ho hamnasa.
“Ba jogu aban nian maka ami nia tarjetu sei menang caesar dante ho score 2-0 ou 3-1” dehan Nia hodi fo Nia prediksaun.
CharllY Junor
