Dili– Jogu kuarta final Taca AFAMA no femenina F-FDTL 2022, ekipa zigante rua hosi Primera divizaun liga futsal Timor Leste Mushila Fc sei hasoru Mauputar Fc
Sekretariu jeral klubu Mushila Fc, Aqing Ung (PK), hatete, Mushila Fc preparadu atu hasoru clubu zigante, Mauputar Fc tanba maioria hosi Selesaun Nasional tanba Mushila iha espiritu boot atu manan.
“Tamba ita hotu hatene katak jogador Mauputar mesak qualidade deit e mos maioria jogadores ne’ebe maka haforsa ekipa selesaun Nasional Timor Leste nian. Ho nunee ami iha espiritu boot sei menan e fiar sei hakat ba meias Finais la ho drama” dehan Aqing Ung (PK) ba JHD via whatsAap Segunda (24/10).
Aqing afirma, Mauputar maioria selesaun ho nune Mushila sei joga livre deit sem iha presaun ruma tamba mushila ekipa kiik ne’ebe mai ho jogador experensia minimu maibe sei hatudu jogu ne’ebe kualidade ba iha amante Mushila no mos Amante Futsal sira iha Dili
“Ami sei menang ho 1-0 ou 2-1, Ami neneik maibe ho rezultadu e hasoru Maudoko mos hau nia prediksaun ne’e tur fatin lolos 2-1 ba Mushila e ida hau sei fiar ami menang mihis 1-0” Aqing fo nia prediksaun ho fiar aan.
Hosi Sorin seluk Treinador Klubu Mauputar Fc, Carlos Sarmento, hatete, Mauputar nia preparasaun Maximu no prontu hasoru mushila Fc.
“Ba ekipa se deit pasti hakarak manan, no ami Mauputar Fc Manan mak ami nia targetu no ami Mauputar mai para manan ho golu hira ne’e husik 40 minutus mak sei deside” deklara Carlos.
Treinador ne’e hatete, sira iha estratejia barak sei prepara ba jogador, No Mauputar sei joga ho nakloke i la hein iha fatin.
“Sim kuandu score hira ne’e ha’u labele hatene, tamba Futsal susar atu prediksaun fix 100% garante vitoria ami hare husi taktik no teknik nebe que iha” Nia hakotu.
CharllY Junior
