Dili– Klubu segunda divizaun liga futsal Timor Leste Saralima Fc, sei hasoru klubu Primera divizaun liga futsal Timor Leste Ramelau Fc, iha Jogu kontinuasaun kuarta final Taca AFAMA no femenina F-FDTL 2022.
Maske hasoru ekipa hosi Primera divizaun Ramelau Fc, Maibe Treinador klubu Saralima Fc Januario Ximenes, konsidera laos ekipa zigante maibe Saralima respeitu sira hanesan ekipa sira seluk.
“Ba Saralima ekipa Ramelau laos ekipa zigante ida maibe ami respeitu sira hanesan ekipa seluk ne’ebe ho esforsu hanesan hodi to’o quarto finais nee. Nebe ita atu deside semak sei manan ba jogus sira ne sei iha hotu prosesu quarto Finais” Informa Treinador Saralima Fc Januario Ximenes ba JHD via WhatsApp (25/10).
“Hau hanoin falta Ramos fo impaktu boot ba ami nia ekipa atu hakat ba semi finais mas karik ami mos sei bolu ida makas liu Ramos atu mai Apoiu ami ba jogus aban” dehan Nia.
Nia dehan, Jogador ne’ebe Sira prepara ne’e iha hela Foho-Kailara Baucau, no espera katak aban nia sei to’o hodi apoiu ekipa SARALIMA hodi kampeaun dala ida tan ba jogus ne’ebe JHD loke tamba durante nee aktividade Futsal ne’ebe JHD organiza BERMETA-SARALIMA sempre sai kampeaun.
“Maibe atu manan ka lakon ne’e ami sei deside deit iha 40 minutu nia laran” Nia hakotu.
Hosi Sorin seluk, prezidente klubu Ramelau Fc, Borja Antonino, hatete, Saralima FC, favoritismu iha Taca AFAMA ne’e, tamba ho status Kampeaun FALINTIL CUP.
“Jogo hotu hotu ba ami ne’e importante, tamba nee maka ami nia preparasaun, desde inisiu kompetisaun kedas, ami preparadu atu enfrenta ekipa ne’ebe deit mak sai ami nia adversariu iha Taça AFAMA” Borja hatete.
“Hare husi Ami nia Preparasaun no Intesidade do Jogu mak ami hatudu ona durante kompetisaun nee, maske Saralima hanesan Clubo Favoritu ida atu sai kampeaun ba Taça nee, ami garante vitoria hodi hakat ba Meias Finais” tenik Nia.
CharllY Junior
