Dili– Prezidente klubu Caesar Dante Osorio Manuel Fernandes, hatete, Caesar Dante sei manan Lafaek Fc iha jogu kuarta final Taca AFAMA no femenina F-FDTL 2022.
Jogu entre ekipa rua ne’e sei hala’o iha kampu futsal F-FDTL fatuhada Dili aban (26/10)
Ha’u la dehan katak ami nia materia jogador diak liu Lafaek Fc nian tamba ekipa ne’ebe mak hakat to ona ha fase quartu finais katak ekipa ne’ebe ho materia jogador ne’ebe diak. Mais akompanha jogu desde inisiu fase apuramentu mai too agora e ha’u optimista ami mak sei manan iha Jogu aban.
Caesar Dante, prontu atu joga hasoru Lafaek Fc no sei hadia falansu hirak ne’ebe akontese iha jogu horseik nian atu bele hadia diak liu tan wainhira hasoru Lafaek Fc.
“Klaru ami garantia CD sei hakat ba fase meias finais. Em termus jogador Lafaek mos mesak jogador kualidade deit mais sira nia ekipa foin mak forma e ami metin nanis tena ida ne’e mak diferensa entre sira ho ami” dehan prezidente Caesar Dante Osorio Manuel Fernandes ba JHD via WhatsApp tersa (25/10).
“Ha’u targetu ami sei manan sira ho score 2-0 ou se lae 3-0” Osorio fo nia prediksaun ho fiar aan.
Iha Sorin seluk Treinador klubu Lafaek Fc, Jose de fatima, hatete, sira sei esforsu hasoru Caesar Dante iha jogu aban maibe rezultadu 40 minutu mak sei determina.
“Husi ami rasik ba joga aban nee ami koko atu esforco mas rezultadu sei determina iha 40 menitu nia laran tamba ekipa ne’ebe ami hasoru ema hotu hatene katak Cesar Dante equipa nebe inclui hotu iha primeira Devisaun liga Futsal” dehan Jose.
“Ami haree la fasil ami atu menan maibe buat hotu sei akontese iha 40 menitu nia laran nunee karik ami mak sai hanesan vitoria ami dehan nee hanesan graca ida mai ekipa lafaek. Wainhra ami derota karik ami nafatin Agradese” tenik Nia
CharllY Junior
