Dili – Asosiasaun Futebol ne’ebe antes ne’e apoiu lori Francisco Jeronimo ba tur iha Presidente FFTL, Maibe tan Futebol Timor Leste hakdasak maka Asosiaun hirak ne’e espresa atitude kontra Francisco Jeronimo Liu husi komunikadu emprensa Mak hala’o iha Estadio Munisipal Dili.
Tuir nia, durante tinan ida ona atividade desportu paradu, tanba ne’e asosiasaun 11 tu’ur hamutuk ezize Francisco Jerónimo atu resigna aan husi nia kargu prezidente Federasaun Futebol Timor-Leste (FFTL).
Asegura futebol iha Timor-Leste maibé futebol Timor-Leste hasoru dezafiu presiza asaun emidiata husi parte hotu atu asegura futebol seriu hanesan publiku hatene ona katak futebol hakdasak no liga lala’o.
Porta-voz afirma, Prezidente FFTL, Francisco Jerónimo iha Fulan Fevereiru 2022 hala’o kogresu Nasionál iha Novu Turizmu promete katak atu realiza liga futebol terseira divizaun iha Munisípiu sira la hatudu rezultadu pozitivu ba publiku. Iha mos promessa atu hala’o kompetisaun kuatru divizaun iha kada munisipiu nomos kompetisaun regional iha regiaun sira.
Prezidente asosiasaun arbitragem ne’e hateten, FFTL abandona salariu husi treinador selesaun nasionál, jogadór seidauk selu no mos kansela viajen jogadór sub 17 atu ba tuir kualifikasaun tasa Ase-ian Football Confederation (AFC) nian tinan ida ne’e.
Atividade ne’ebe konsidera paradu total inklui mos treinamentu ba iha ofisiais kompetisaun sira hanesan treinadores no arbitragem. Persentagem ba atividade formasaun sira iha tinan ida ne’e kuaze la hala’o hotu. Ida ne’e kontra regras FIFA Forward 2.0 Art. 6 ne’ebe hatete katak minimu ba atividade formasaun ida tinan ida mak atividade sanulu.
Porta-voz ne’e dehan, subsidiu ba asosiasaun sira mos seidauk selu durante fulan tolu hahu husi Agustu to’o agora. Ida ne’e implika tebes ba iha atividade dezenvolvimentu iha munisipiu sira. Tamba promesa seluk husi Presidente Atual FFTL mak atu lori futebol to’o iha baze.
Asosiasaun 11 ne’e mak hanesan, Assosiasaun Futebol Lautem, Ass. Futebol Manatutu, Ass. Futebol Aileu, Ass. Futebol Ainaru, Ass. Futebol Manufahi, Ass. Futebol Dili Leste, Ass. Futebol Dili Oeste, Ass. Futebol Viqueque, Ass. Arbitrazen, no mos Klubu Kampiuan primeira divizaun no klubu segunda divizaun ne’ebe mak iha diretu ba votu iha kongresu FFTL.
“Assosiasun ezije Francisco Jerónimo atu resigna aan husi nia kargu nu’udar Prezidente FFTL tanba laiha ona kapasidade atu lidera futebol iha rai doben ida ne’e“, katak Portavoz Aniceto Berlelo ba Jornalista liu husi konferensia imprensa iha estadium Munisípal Dili, Kinta (27/10).
Tanba Prezidente FFTL ne’e assosiasaun mak hili liu husi kongresu, sei promesa ne’ebe la realiza ho sentimentu tenke resigna aan nune’e dezemvolve futebol iha Timor-Leste.
“Iha rezimentu FFTL hateten katak, kuandu Timor-oan ida atu kandidatu aan ba Prezidente FFTL tenke livre husi krime“, katak Aniceto Berlelo.
Prezidente FFTL, Francisco Jerónimo tenke resigna aan husi nia kargu la presiza halo tan kongresu extra ordinariu tanba sai Prezidente FFTL mos Assosiasun sira mak hili, tanba ne’e diretu Assosiasun sira no servisu la tuir ona estatu FFTL nian.
Iha fatin hanesan Prezidente klubu kampiuan segundu divizaun, Aleixo da C. X. Martinho, hatene, iha estatutu FFTL iha artigu 23 hateten momos katak bainhira lider ida asume kargu nu’udar Prezidente mak laiha kapasidade tenke halo kongresu estra ordinariu.
“Iha estatutu FFTL iha artigu 33 hateten lideransa ne’ebe laiha inkapasidade ona bele halo kongresu estra ordinariu, atu halo kongresu estra ordinariu kompetensia assosiasun sira nian“, katak nia.
Tanba ne’e assosiasaun sanulu-resin-ida ezije Francisco Jerónimo tenke resigna aan husi nia kargu Prezidente FFTL.
Prezidente klubu Emmanuel Fc afirma, bainhira laiha data fiksu atu halo kongresu estra ordinariu mak assosiasun sira iha kompetensia atu halo asaun sensura.
Bazeia ba estatutu FFTL Art. 33, 1/3 (Assosiasaun 7 husi total 21 Membros FFTL) ne’ebé mak hato’o pedidu ba realizasaun Kongressu Extraordinariu ho agenda ne’ebé mak klaru, Membru Exekutivos FFTL dentro de loron 30 tenke realiza kongresu refere. Karik la realiza, mak Membru sira iha direitu atu realiza kongressu ne’e rasik ho assistensia FIFA no AFC nian. Kongressu Extraordiariu ne’e rasik mos tenke realiza tuir Agenda ne’ebé hato’o ona husi Membru sira no sei la altera durante Kongresu ne’e la’o. Iha fatin seluk, tuir Art. 27 estatutu FFTL, Membru sira iha autoridade atu tau mos agenda ba eleisaun nian.
Iha sorin seluk Prezidente Dili weste, Ipolito Soares, afirma, atividade futebol iha rai laran lala’o ona tanba jogadór selesaun Nasionál atu reprezenta iha AFC mos faila.
“Ami tenke ko’alia tanba ami membru Federasaun entau ami labele nonok atu salva guarda futebol iha Timor-Leste“, tenik nia.
Nia dehan, bainhira laiha reasaun ruma mak assosiasun sira sei halo asaun pasifika hasoru Prezidente FFTL.
Entertantu Francisco Jeronimo re-eleitu ba kargu nudár prezidente ezekutivu FFTL ho votu 11 no nia adversariu Nilton Gusmão hetan votu 10 liuhusi votasaun iha segunda ronde Kongresu FFTL ba da-hitu iha Otél Novo Turismo, Dili, Sábadu (26/02/2022).
Caet
