DILI — Treinadór klubu Femenina futsal salaun Tequila Treze, Felisberto Sarmento Soares, afirma, Tequila Treze sei trava buset Fc iha jogu taca AFAMA no Femenina F-FDTL 2022.
Klubu femenina futsal hamutuk 4 hakat ona ba faze meias finais Taca AFAMA no femenina F-FDTL 2022 ekipa 4 ne’e mak hanesan Maudoko Fc Estrela Baguia no Tequila Treze sei hasoru Buset Fc.
Jogu entre Tequila Treze kontra Buset Fc ne’e sei hala’o iha kampu futsal F-FDTL Fatu-hada Dili aban (28/10).
“Prontu ha’u hanesan treinadór no ha’u akompana ona ekipa Buset nia jogu sira iha jogadór Xave maibé ami iha estratejia rasik atu bele hamate jogadór xave husi Buset nian No ami sei aplika iha jogo aban“, dehan Felisberto Sarmento Soares ba JHD via WhatsApp, Kinta (27/10).
Tuir Nia prediksaun, Tequila sei manan Buset ho Score 2-0 tanba buset Fc sira jogu normal
“Tuir ha’u nia haree ami iha posibilidade boot atu manan iha jogu aban nian entre Tequila Treze kontra Buset“, katak nia.
Nia hatutan, ho razaun Tequila Treze preparasaun masimu tebes durante ne’e no mos jogadór sira iha kondisaun fiziku ne’ebe 100% feat hotu.
Tanba ho treinu ne’ebe di’ak tebes nune’e Tequila Treze mai ho mehi ka moto ne’ebe aas atu sai kampiuan iha taca AFAMA no FEMININA F-FDTL 2022.
“Ami nia tajetu mak sai kampiaun ba taca refere nune’e mai ami Tequila Treze ekipa hotu ne’ebe atu kontra Tequila tenke simu konsekuesia lakon“, nia dehan.
Iha fatin hanesan Assisten treinadór klubu Femenina Buset Fc, Agustinho Fernandes Ximenes, deklara, lakohi komentariu barak husik tempu mak rezolve semak atu liu ba final.
“Nu’udar assisten ha’u lakoi fo komentariu barak husik resolve iha kampu tuir oras ne’ebe determinadu husi Arbitu“, katak nia
Agustinho dehan, maski Tequila Treze ho jogadór ne’ebe fiziku di’ak maibé Buset Fc fi’ar aan katak sei manan iha jogu Meias finais bodi hakat ba final.
Caet
